Ñawpa tiempopi cristianokunaqa huñunakurqaku takinankupaq, orakunankupaq chaynataq Bibliata estudianankupaq, manam wakin religionkunapa rurasqanman hinachu ruraqku (1 Corintios 14:26). Huñunakuyniykuman rispaykiqa ñawpa tiempopi hina kasqantam qawanki.

Huñunakuypi yachasqaykuqa Bibliapa yachachisqanman hinam. Sapa semana tukuytam huñunakuniku 30 minutopi Bibliamanta discursota uyarinaykupaq, chaypim yachaniku Bibliapa nisqanman hina kay tiempopi imayna kawsanaykupaq kasqanta. Yachachimuqmi kallpanchawanku textokunata Bibliapi leenaykupaq. Qatiqninpiñataqmi Willakuq Estudiopi estudianapaq kaq revistata huk horapi estudiaspayku entiendesqaykumanta rimariniku. Diospa Palabranpi consejokunawan imaynata yanapachikunaykupaqmi yanapawanku. Allpantinpim 110.000 masnin congregacionkunapi hina kaq yachachikuykunallata estudianiku.

Allinta yachachiq kanaykupaqmi yanapawanku. Chawpi semanatam Diospa Munayninta Ruwananchikpaq niq sutiyoq huñunakuyniyku kan. Chaypaqqa kachkanmi huñunakuypi yanapawaqniyku qellqapas. Chay huñunakuyqa kimsaman rakisqam kachkan. Punta kaqmi Bibliamanta Astawan Yachanapaq niq. Kaypim chay semanapaq Biblia leemusqaykumanta astawan yachaniku. Allin Yachachiq Kanapaq niqpiñataqmi puntaman lloqsispa runakunaman Bibliamanta imayna yachachiyta qawachiniku. Chay huñunakuypi cuentallikuqñataqmi ruwasqaykuman hina niwanku imakunapi astawan kallpanchakunaykupaq (1 Timoteo 4:13). Diospaq Hina Kawsanapaq niqpiñataqmi Bibliapa nisqanman hina kawsakunaykupaq yachaniku hinaspa tapukuykuna kaptin sonqoykumanta rimaniku.

Huñunakuyniykuman hamuspaqa Bibliamanta yachasqayku allinpuni kasqanmantam yachanki (Isaias 54:13).

• ¿Imakunapim reparanki huñunakuyniykuman hamuspaqa?

• ¿Mayqen huñunakuyniykumantaq riyta munawaq?