Apostolcunapa punllacunapica Diosman candangapaj, Diosta mañangapaj, Bibliata liingapaj, yachajungapami tandanajun carca (1 Corintios 14:26). Ñucanchi tandanajuicunapipash chaitallata rurajtami ricupangui.

Bibliamanda minishtirishca yuyaicunata yachajungapaj. Sábado o domingo punllatami congregaciongunaca Bibliamanda Discursota 30 minutocunapi uyangapaj tandanajun. Chaipica Biblia imashina ñucanchita ayudajta, ima tiempopi causanajushcatapashmi intindichin. Ashtahuanbash textocunata liishpaca cada unopa Bibliapi mascachunmi animan. Chai jipaca, shuj horaspillami Villajun Revistata Yachajunchi. Chaipica shuj huauquimi revistamanda tapuicunata shinashpa tandanajuipi cajcunata comentachun animan. Shinami Bibliapa consejocunata ñucanchi causaipi imashina pactachinata yachachin. Mundo enteropica 110 mil yali congregaciongunapimi chai tematallata yachajupanchi..

Bibliamanda aliguta yachachingapaj. Chaupi semanapashmi shuj tandanajuita charipanchi. Chai tandanajuica Jesuspa Chaquita Catishpa Causashunchi Yachachishunchi nishcami can, quimsa partetami charin. Chai tandanajuipica cada quilla llujshishca Jesuspa Chaquita Catishpa Causashunchi Yachachishunchi Tandanajuipi Yachajungapaj Hojamandami yachajunchi. Chai tandanajuipa primera parteca Bibliapa Valishca Yuyaicuna nishcami can. Chaipica cada semanapa Bibliata liina capitulocunata liishpa ashtahuan aliguta intindichunmi ñucanchitaca ayudan. Segunda parteca Ali Yachachijcuna Cashunchi nishcami can. Chai partepica ñaupaman yalishpami, huauquipanicunaca gentecunahuan Bibliamanda imashina parlanata ricuchin. Tucuicuna ashtahuan aliguta liichun, aliguta yachachichunmi shuj huauquica consejota cushpa ayudan. (1 Timoteo 4:13). Tercera parteca Jesuspa Chaquita Catishpa Causashunchi nishcami can. Chai partepica Bibliapi yachachishcacunata ñucanchi causaipi imashina pactachinatami yachachin. Shinallata tapuicunata rurashpa contestapashmi Bibliata ashtahuan aliguta intindichu ayudan.

Ñucanchi tandanajuicunaman rishpaca, Bibliamanda aligutapacha yachachijta ricushpami ninanda cushijupangui (Isaías 54:13).

• Tandanajuiman rishpaca ¿imacunata rurajtata ricupangui?

• ¿Maijan tandanajuimanda ri callaringapaj munapangui?