Sar pes zdžanas perša kresťana, giľavenas o giľa, modľinenas pes a jekhetane študinenas e Biblija. Na kerenas ňisave rituali, so pes keren andre khangeri. (1. Korinťanom 14:26) Amen ada keras avka sar on.

Andal e Biblija pes ode sikavas, so hin lačho prekal amende. Sombatone abo kurke pes zdžas pre biblicko prednaška (30 minuti). Ada sikavel, savi goďi amen del e Biblija a andre savi doba dživas. Sako peske šaj rodel biblicka verši andre peskeri Biblija. Paľis džal o študijum le časopisoha Stražno veža (60 minuti). Sako andal o zboros pes šaj zapojinel. Te šunas avren, sar odphenen pro otazki andal e Stražno veža, šaj feder achaľuvas, sar biblicko goďi te uplatňinel pre peste. Oda isto člankos pes študinel buter sar andro 110 000 zbori pal calo svetos.

Pomožinen, kaj te džanas te sikavel avren. Prekal o kurko hin amen o zhromažďeňe Amaro kresťansko dživipen the služba. So pes študinela, hin anglal pisimen andro zošitos (andre irka) Dživipen the služba. Hin les 3 časťi. Peršo časť Barvaľipena andal le Devleskero lav pomožinel, kaj feder te achaľuvas biblicke veršenge. Anglal khere pregenaha paru (vajkeci) kapitoli a paľis pal lende das duma. Aver časť hiňi pal e zvestovaťelsko služba. Scenki amenge sikaven, sar te vakerel pal o Del. O phral, so adi časť ľidžal, del amenge radi, kaj te ačhas feder učiťeľa. (1. Timotejovi 4:13) Trito časť Le kresťanoskero dživipen del radi, sar te dživel sar lačho kresťanos. Kaj feder te achaľuvas le Biblijake, o phral, so ada programos ľidžal šaj del otazki a amen šaj hasdas o vast a odphenas.

Ča aven pre amaro zhromažďeňe! Dikhena, sar pes mište ode sikavel andal e Biblija. (Izaiáš 54:13)

• So tumen dodžanena pre amaro kresťansko zhromažďeňe?

• Pre savo amaro kresťansko zhromažďeňe kamľanas te avel?