Ο πρώτοι Χριστιανοί κο συναθροίσεις βακερένας ύμνους, κερένας προσευχές, διαβάνενας ντα κερένας λάφι ι Γραφιάκε. (1 Κορινθίους 14:26) Κο συναθροίσεις σο κεράσα αμέν-ντα, κα ντικχέν ο ίδιος.

Οντουλά σο σικλιαρένα ισί αντράλ κατά Αγία Γραφή ντα βοηθίνενα-αμέν αμαρέ ζωγιάτε. Κο σαββατοκύριακος κάθε εκκλησία κερέλα συναθροίσεις για τι ασουνέν εκ ομιλία κατά Αγία Γραφή για μισή ώρα, σο σικαβέλα οντουλά σο βακερέλα η Αγία Γραφή αμαρέ ζωγιάκε ντα αμαρέ ντιβεσένγκε. Σαρέ μπορίνασα τι πουτράς αμαρί Αγία Γραφή ντα τι ντικχάς οντουλά σο βακερέλα. Σοράν, κερένα για εκ σαάτι ι Μελέτη «Σκοπιάς», ντα οντουλά τζενέ σο ισί οτθέ μπορίνενα τι ντεν απαντήσεις. Οντουλά σο βακερένα οτθέ βοηθίνενα-αμέν τι κεράς οντουβά σο βακερέλα η Γραφή αμαρέ ζωγιάτε. Ανταγιά Σκοπιά διαβάνενα-λα σε 110.000 ντα πιο μπουτ εκκλησίες σαρί κι πφουβ.

Σικλιάσα τι κεράς πιο λατσσές λάφι ι Ντεβλέσκε. Εκ φαρ κι εβδομάδα επίσης τζάσα κι συνάθροιση για τι ασουνάς εκ πρόγραμμας με τριν διαφορετικά μέρη σο βακέρντιβελα Ι Χριστιανόνγκι Ζωή ντα ο Έργος ντα βασίντιβελα κο έντυπος Ι Χριστιανόνγκι Ζωή ντα ο Έργος—Πρόγραμμας για τη Συνάθροιση σο νικιόλα κάθε μάσεκ. Ο πρώτος μέρος ανταλέ συναθροισιάκο, Θησαυροί σο Αρακχάσα κο Λάφι κι Ντεβλέσκο, βοηθίνελα-αμέν τι αγαβάς πιο λατσσές μερικά κεφάλαια κατά Αγία Γραφή σο διαβάνασα-λεν πριν τι τζας κι συνάθροιση. Σοράν, ο μέρος Σαρ τι Σικλιαράς ι Ντεβλέσκε πιο Λατσσές τθερέλα επιδείξεις σο σικαβένα σαρ τι συζητίνας κατά Αγία Γραφή ι τζενέντζαρ. Εκ πρεσβύτερος, για τι βοηθίνελ-αμέν, βακερέλα αμένγκε κατέ μανγκάσα βοήθεια για τι διαβάνας ντα τι κεράς πιο λατσσές λάφι ι Ντεβλέσκε. (1 Τιμόθεο 4:13) Ο τελευταίος μέρος, Σαρ τι Τζουβντιάς σαρ Χριστιανοί, σικαβέλα σαρ μπορίνασα τι κεράς ο συμβουλές ι Γραφιάκε κάθε ντιβές αμαρέ ζωγιάτε. Ανταβά μέρος τθερέλα αντρέ ι Εκκλησιαστική Γραφική Μελέτη σο ισί με ερωτήσεις ντα απαντήσεις ντα βοηθίνελα-αμέν τι αγαβάς πιο λατσσές ι Αγία Γραφή.

Όταν κα αβέν κο συναθροίσεις σο κεράσα, σίγουρα κα κερέλ τουμένγκε μπαρί εντύπωση σο κα σικλιόν μπουτ λατσσέ πράγματα κατά Αγία Γραφή.—Ησαΐας 54:13.

• Σο πακιάνα ότι κα ασουνέν κο συναθροίσεις σο κερένα ο Μάρτυρες του Ιεχωβά;

• Καγιά συνάθροιση σο κεράσα μανγκένα τι ασουνέν πρώτα;