‘E tạunȧ‘ ‘on lelea‘ rot fak Karisto ‘e ‘on mumua iris suạ mak, ro‘ạit, hat ma hạifäegag se Puk Ha‘a. (1 Korinita 14:26) ‘Äe la räene iạ hạitatạuag ma ‘otomis tạunạ‘i.

Fas‘ȧk tē ‘es‘ao ne tekạim ‘e Puk Ha‘a. ‘E a‘ofiạg ne gasav ‘i, kạurotuga tạunȧ‘ la a‘fại se Marag ta ‘e laloag ne menet 30. Iạ sui‘ạkia ‘on ‘es‘ao ne Puk Ha‘a se ‘otomis mạuri ma avat ne ‘is noho e. ‘Ạmis säe ‘otomis Puk Ha‘a ma tạupir se iạ ne maraga. Vạhiạg ne marag ta, ma kotä Sạkiroa “Watchtower” ‘e laloag ne aoa het. Le‘et ma ne täe ‘e kạurotuga la pō la ‘es väeag ‘e sạkiroag ne Watchtower. Hạifäegag te‘is hạiasoagan ‘ạmis la garue‘ạkia muạ‘ạkiạg ne Puk Ha‘a ‘e ‘otomis mạuri. Sir ‘e kạurotuạg 110,000 ‘e rȧn te‘ sạkiroa tē ‘eseat ma.

Hạiasoagan ‘ạmis la potsusun se rak‘ȧk tē. ‘Ạmis tạunȧ‘ ag‘esea ‘e asoah het ‘e uạn ne gasav ta, la a‘sokoa väeag fol ne tạunȧ‘ ta. Iạ kamat ‘e Rak Puk Ha‘ ne Kạurotuga menet-30, hạifäegaga ma tög sại‘o, ne a‘lalan ‘otomis ‘ineag ne muạ‘ạkiạg ne Puk Ha‘a ma ‘on Parofesại. La tohiof sin, Rak ne Garue Marag ta menet-30 ne kamat ‘e ‘os la hạifäegag a‘luạk se väe his ‘e Puk Ha‘a ne kạurotuạg ta hat vạhia. Ma kotä iris ne sur se rak ta la a‘sok a‘luạk ‘oris väega. Iạ ne muạ‘ȧk tē täla hạiasoagan le‘ rak ta la a‘leleia ‘on hathat tē ma ‘on fäefäega. (1 Timoti 4:13) ‘On fakmuri, Tạunȧ‘ ne Garue ta ‘on roa menet 30, iạ laloag‘ȧk nā ne toko, kel‘ȧk tē, ma intaviu. ‘Ạmis rakoa salat ne la rak‘ạkia Puk Ha‘a se famori.

‘E avat ne ‘äe la leum se ‘otomis tạunạ‘i ‘äe la ferehit a‘ti ‘e ‘on sui‘ȧk a‘taf ne Puk Ha‘a.​—Aisea 54:13.

• Ka tes ta ‘äe la a‘fại ‘e tạunȧ‘ ne Uetnes ‘on Jihova?

• Ka tạunȧ‘ tese ta ‘äe ‘oaf la la‘ se ‘e laloag ne gasav ta?