პირველ საუკუნეს ქრისტიანულ შეხვალამეფს ღორონთიშ ოდიდებელ ობირეშეფს იბირდეს, ლოცულენდეს, კითხულენდეს დო გენიხილენდეს წმინდა წერილეფს. თეცალ შეხვალამეფს მუთუნნერ რიტუალ ვესრულებუდ (1 კორინთელები 14:26). ამდღა ჩქინ კერებაშ შეხვალამეფი ხოლო თეცალო იტარებაფუაფ.

ბიბლიურ გურაფა. საბატონ დო ჟეშხას თითოულ კრება იშაყარუ, ქიმირჩქილუას 30-წუთიან მოხსენება ბიბლიურ თემაშე. თე მოხსენებას გენიხილებუნ თი მუხლეფი მოძირანა მუ დროს ფცხოვრენთ დო მუჭო შემლებნა ბიბლიას მოჩამილ რჩევეფიშ გიმორინაფა. მომხსენებელ აუდიტორიას ურაგადუ, ნამდა ბიბლიაშე ეშაკითხირებულ მუხლეფს თოლი ქიმუჸუნუან მუნეფიშ წიგნეფს. მოხსენებაშ უკულ ჟურნალ „საგუშაგო კოშკიშ“ გურაფა იჭყაფუ, ნამუთ ართ საათიან რე. კრებაშ წევრეფს შეულებნა მონაწილება მიღან ოგურაფალ სტატიაშ განხილვაშ დროს. თეცალ განხილვა მოხვარნა, გეგმიბრინუათ ბიბლიას მოჩამილ რჩევეფი. მთელ მსოფლიოს 115 000-შე მეტ კრებას ართ დო იგივე მასალას გურაფლენა.

ღორონთიშ სიტყვაშ უჯგუშო დოგურაფა. ჩქი შკა მარაშ ართ-ართ ონჯუას ხოლო იფშაყარუთ. კრებაშ თე შეხვალამა სუმ ნაწილო რე დორთილ: პირველ რე 30-წუთიან კრებაშ ბიბლიაშ გურაფა, სოდეთ მასალას კითხვა-პასუხეფით გენიხილენა. პროგრამაშ თე ნაწილ მოხვარუნა უმოსო ქინვუანჭათ ბიბლიას მოჩამილ გურაფეფს დო წინასწარნარაგადუეფს. მაჟია შეხვალამა რე 30-წუთიან თეოკრატიულ მსახურებაშ სკოლა. თაქ გენიხილენა ბიბლიაშ თი ადგილეფს, ნამდგას კრებაშ წევრეფ წინასწარ ამზადენა. თეშ უკულ სკოლაშ მაგურაფუეფი ორთნა ინსცენირებეფს. სკოლაშ ზედამხედველ ოკვირ გიშმაულარეფს დო არზენს მითითებეფს, ნამუთ თინეფს მეხვარებ გაუჯგუშან კითხირიშ, რაგადიშ დო აზრეფიშ გინოჩამაშ უნარი (1 ტიმოთე 4:13). პროგრამაშ ბოლო, მასმა ნაწილ 30-წუთიან სამსახურებრივ შეხვალამა რე. თე შეხვალამას ჯიმალეფი კითხულენა მოხსენებეფს, კრებაშ შხვა წევრეფ გიშმულა ინტერვიუეფით დო ინსცენირებეფით. თე ირფელ მოხვარუნა უჯგუშო ქიგებგათ, მუჭო ვოგურუათ შხვეფს ბიბლია.

მუჟამს ჩქინ კრებეფს ქიდესწრებუქინ, ვეშილებე ვემგეწონას თექ მორჩქილაფირ ბიბლიურ გურაფეფქ (ესაია 54:13).

• მუშ მორჩქილაფა შეილებ იეჰოვაშ მოწმეეფიშ კრებეფს?

• კრებაშ ნამ შეხვალამაშა მიკორინუანდი დასწრებას?