Mira raha nataondro Kristianin̈y taloha tan̈y fo raha ataonay lera mivory. Zahay mihira, mivavaka ndreky mianatra Baiboly. Karaha zen̈y fo ataonay.—1 Korintianina 14:26.

Mianatra man̈araka raha koran̈iny Baiboly. Isaka herin̈andra, misy Kabaro baka amy Baiboly, mahadin̈y 30 minity. Raha koran̈iny Baiboly mikasiky fiain̈anantsika ndreky raha misy aminandra izioty hazavain̈y amizio. Koa fa misy toko ndreky andininy vakin̈y, olo jiaby samy mizaha amy Baibolinany. Koa fa vita zen̈y, misy Fianaran̈a “Tilikambo Fiambenana”, mahadin̈y lera araiky. Olo jiaby mivory ao mety mamaly fan̈ontanian̈a aminio. Fiarahan̈a mianatra karaha io hahaizanay man̈araka raha koran̈iny Baiboly. Mira fo Tilikambo ianaranay amy fiangonan̈a 110 000.

Zahay ampianarin̈y mankatsara fampianaran̈a Baiboly an̈y. Zahay mivory koa andavanandra. Misy raha telo ataonay amizio. Mizara telo fivorian̈a io. ­Fomba Fiain̈ana Kristianin̈y Ndreky Fanompoan̈a an̈arany, ke Boky Fianaran̈a amy Fivorian̈a Momba Fiain̈anantsika Kristianin̈y Ndreky Fanompoan̈a fitaovan̈a ampiasain̈y amizio, isaka fanjava. Fizaran̈a voanalohany aminany io, Hevitry Maventy Baka amy Baiboly. Misy toko ndreky andininy efa vakiny fiangonan̈a tsialohaloha antran̈o an̈y aminio, ke amy fivorian̈a io misy fan̈a­zavan̈a ahaizanay andininy sasany aminany io. Faharoe, ­Miomàn̈a Alohany Hanompo. Ianaran̈a aminio karakory atao mikoran̈a aminolo raha momba Baiboly. Misy pan̈amia torohevitry aminio mivolan̈a raha hankatsaran̈a vakiteny ndreky fomba fivolan̈ana. (1 Timoty 4:13) Fizaran̈a fahatelo farany, Fomba Fiain̈ana Kristianin̈y. Izio fandinihan̈a fomba han̈arahan̈a toro lalan̈a Baiboly, amy fiain̈ana isanandra. Misy fan̈ontanian̈a ndreky olo mamaly fan̈ontanian̈a amizio hahaizanay tsarabe raha koran̈iny Baiboly.

Anao koa avy mivory, zahay matoky fa ten̈a ho tianao fampianaran̈a an̈y.—Isaia 54:13.

• Ino aby ma raha atao amy fivorian̈a?

• Anao koa avy hivory aminy herin̈andra ty, fivorian̈a araiky karakory ten̈a tianao handihanan̈a?