Atangté métchou’té mékritèn éfœu’ mvhô a lé wè mézôp mbô mépriya. Pô lè nzeung-è ntông-ô mbing ntsa’a méleung ashoung-né Biible​—pô lè té ngheuè ajouô ndè’è ntôkô a lézi’nè Biible. (1 Corinthiens 14:26) A zeung ngô poup ndeung-ndeung anè métchou’té meuk a aya’a.

Métsoo mi mè zi’né éwou, é pou fhô a nteu Biible. A nkwa méngap épô mémia a éji’ tseum a nteu ngông, é pooté a ménguia atchou’té njou’ô athouô ashoung-né a mbou ala’. Athouô ashoung-né mèt a tsui pa’ Biible a tsang lénang tsimpè anè éfœu’è ala’ jiô poup; a ping nang mézizi 30. Mè swingté épouô métseum nguè pô ngnha’a Biible wôp ndôk ntchiité méleung mi mè si ntông-ô. Athouô ashoung-né mèt a nang té mii a, mè zeung nzi’nè “Tour de Garde” yi a yè éshheu a mbou épouô métseum a létsô’ ménzèté mi mè ya. A gheuè ta’ hawa mbing nkuitè weuk a lézing anè métsoo mi mpeukè zi’nè nteu Biible. Mè zi’nè akèté jiô mèt a nteu nkwa ménguia atchou’té meuk mi é té ntôkô 120 000 a nteu ngông ntseum.

É pètè weuk a lézhè a lézi’né épouô. Mpeukè zeung ngwuè amô’ô atchou’té zi a si ngô méleung mèntèt a ta’ ésseung-njheu a nkwa méngap, mè tông é lè: Vie chrétienne et ministère. A ping ntsou’nè anè métsoo mi mè zi’nè a nteu Cahier pour la réunion Vie chrétienne et ministère. Mè zii atchou’té jiô mèt pô Joyaux de la Parole de Dieu. A ping nkuitè weuk a lé tswhi njou’ émô’ mékeum Biible mi épouô é teue-njheu ntông té shi’è a nguia atchou’té. Mbaaté, a ping ngô anè apak Applique-toi au ministère, mpeukè jiô méfœu’ anè ntsi zi mpeukè ghô lôkô Biible shoung-né a mbou émô’ épouô poup. Ta’ nfènè a ping nguiè ménteukné a mbou épô mémia anè ntsi mbông a lélôk ntông-ô Biible mbing éshoung-né a mbou épouô. (1 Timothée 4:13) Apak Vie chrétienne a ping ngué zôkô ntsui pa’ mè ghô zing élé’é tseum anè ménteukné mèt poup. Ajiô apak mèt a wuè ashoung-né zi ménzèté pô méntsô’ô é awou, ndôk nku’nè azhènou zeuk anè Biible.

Afœu’ zi o shi’è a nguia atchou’té peuk, é jiô ntsi zi mè lôk ntswhi nzi’nè Biible poup, é lé neung té kœu’nè wou.​—Isaïe 54:13.

• O ghô jheuè aziè apè afœu’ zi o shi’è a nguia atchou’té Ménjheuè-njiô Joovah?

• O si nkông-ô wou a lézii mvhô é shi’ aziè atchou’té zeuk-é?