Бо брошюраның чуруктарында Иегованың Херечилери кайы хире арыг-силиг кылдыр кеттингенин, эскердиңер бе? Идик-хевивисче болгаш даштыкы хевиривисче улуг кичээнгейни чүге салып турар бис?

Бурганывыска хүндүткелди илередир дээш. Ийе, Бурганга кижиниң иштики бүдүжү ооң даштыкы хевиринден артык чугула (1 Хааннар 16:7). Ынчалза-даа Иеговага чүдүүр дээш келгеш, бис даштыкы хевиривис-биле Аңаа болгаш ха-дуңмавыска хүндүткелди илередирин күзеп турар бис. Чижээ, президент-биле ужуражыр дээн болзувусса, ону хүндүлеп, чүнү кедип алырын эки боданып алыр болгай бис. Шак ынчаар христиан чыыштарда бистиң даштыкы хевиривис «Мөңге Хаанга», Иегова Бурганга, база ону алгап-мактаар черивиске хүндүткеливисти көргүзүп турар (1 Тимофейге 1:17).

Бурганның бедик негелделеринге дүгжүр дээш. Библия христианнарны «эгениичел база бодамчалыг» кылдыр кеттинеринче кыйгырып турар (1 Тимофейге 2:9, 10). Эгениичел кылдыр кеттинери дээрге хөлүн эртир көскүлең, ажык база таарымча чок бодалдар тывылдырар хептерден ойталаары дээни ол. Бодамчалыг чорук хөлүн эрттирбейн, чараш кеттинеринге дузалап болур. Аңаа хамаарыштыр бисте улуг шилилге бар. Төлептиг болгаш чараш кылдыр кеттинип тургаш, «бистиң Камгалакчы Бурганывыстың өөредиин» каастап, ону алдаржыдып болур бис (Титке 2:10; 1 Пётр 2:12). Чыыштарже канчаар кеттинип турарывыс Иегованың адынга эки азы багай салдарны чедирип болур.

Чараш хевиңер чок болза, муңгараваңар! Хурал залынга келгениңерге дөмей-ле өөрүүр бис. Кол-ла чүве — идик-хеп арыг-силиг болгаш таарымчалыг болур болза эки.

• Христиан чыыштарже канчаар кеттинип турарывыс кайы хире чугула?

• Идик-хепке болгаш башты таартырынга хамаарыштыр кандыг дүрүмнер-биле башкартынып турар бис?