ˈÖ bhɔ ˈˈdhʋ̈ ꞊kwɛŋzü, Zoova ˗yö ˈkɔdhigümɛn ˗nu ꞊faan ˗mën kö ˗wo ˈdho wo ˈko ꞊bhaa kö ˗wa ˗dhɔkë, kë ˈˈdhʋ̈ kö ˗an ˗bha ˈkɔdhigümɛn ˗nu waa Zoova ˗an ˗bha ˗mlɛɛn ˗yö kë ˗së. (Deutéronome 6:6, 7) Yö ˈnën˗ ˗wɔn ˈgü ˈyö Zoova ˗bha ꞊Gbɛkiö ˗nu ˈwo wo ˈgü dɔ ˈˈgbɩɩ˗ ˈö mɛn ˈö ˈdhö ˈö ˗dhɛkpaɔyi do ˗sü ˈˈdhoogɔ ˈgü kö waa ö ˗bha ˈkɔdhigümɛn ˗nu ˗wo ˗Zlan ˗dhɔkë ˈkɔɔ, kö ˗wo ˈˈdoo ˗nu ˈwo ˗gban pë ˗nu ˈö ˗an ˗bhawɔn ˈdhö ˗an ˗bha, ˗an ˗bha, ˗an dɔ. ˗A ˈˈdoo ˗nu ˈwo ˈˈdhʋ̈, ˗wo ˗an ˗dɔ ˗dhɛ ˈö ˗zuö ˈyaa mü, ˗a ˈgü. ˈKö kë ꞊dhɛ ü ˗kɛgbɔɔ ˈka, ü ꞊mɔɔn˗ ˗bha ˈpö ˈü ˈˈtʋ̈ŋ ˈnën ˈbha sü kö ˈwɔn ˗gɔ ˈü˗ ˈˈpiʋ̈, ˗a sü ˗Zlan ˈˈDhiwo ˈgü ˈü˗ ꞊draan.

ˈˈTʋ̈ŋ ˈö ˈyi˗ ˈsü ˈö ˈyi ꞊ɲɔɔn ˗Zlan ˈˈsɔɔ, yö ˗mü. “˗Ka ꞊yɔɔn ˗Zlan ˈˈsɔɔ, yöö ˗dɩ ˈpö ˗yö ˗dho ꞊yɔɔn ka ˈˈsɔɔ.” (Zakö 4:8) Pë ˗nu ˈwo ˗gban Zoova ˗bha ˈˈklʋʋsë ˗nu waa ö këyö ˗nu ˗bha, ˈya ˗an draanˈˈ ö ˈˈDhiwo ˈö ˗bɛn zë ˗sü ˈka ˗a ˈgü, ˗yö yi ˗takun ˗a dɔ ˗sü ˗bha. Pë ˗bhaasü ˈö kaa ü ˗bha ˈkɔdhigümɛn ˗nu ˈka ꞊mɔɔn˗ ˗bha ˈka˗ kë kö ˈka ka ˗bha ˗Zlan ˗dhɔkë ˈkɔɔsü züdɔ ˈyö ˗tɔ Biblö ˗wo ˗pö ka ˗wo ˗ta ˗sü. Ka ꞊mɔɔn˗ ˗bha ˈka ʒiö Kwa ˗bha ˗Kë Kletiɛn ˈka ˗sü waa kwa ˗bha ˗zlanwopö ˗yö ˗bhɔkwëë ˗bha Biblö ˗wopösü ˈgüwɔn ˈö ˈˈdhoogɔ ˈgü, ˗a ˈˈpiʋ̈. Mɛn ˈö ˈdhö ꞊mɔɔn˗ ˗bha ˈö˗ ˈˈpian ˈbha ˗wo pö. ꞊Ya kë ꞊dhɛ ˈka ka bo, pë ˈö mɛn ˈö ˈdhö ˗ya ˈgüman ˗yö ꞊mɔɔn˗ ˗bha kö ˗ya pö.

ˈˈTʋ̈ŋ ˈö ˈyi˗ ˈsü ˈö ˈyi ꞊ɲɔɔn ˗a ˈka yi ˈko ˗bha yö ˗mü. Dhe waa ö ˗gɔn, ˈnënmɛn ˗nu waa ˈnën ˗nu ˗wa Biblö ꞊draan wo ˈko ꞊bhaa, ˗mlɛɛn ˈö ˗an ꞊zinŋ ˈgü ˗yö kë ˗së. ˗A ˈˈtʋ̈ŋ bhë˗ dua ˗mü kö ˗yö kë ˈˈtʋ̈ŋ ˗së, ˈö zuʋ̈gblüdhi nu mɛn ˗dhɛ, ˈö mɛn ˈdhö ö ˈˈɲan ˈto ˗a ˗gɔ, ˗a ˈka. ˈNënmɛn ˗nu ꞊mɔɔn˗ ˗bha kö ˗wo ˈwɔn ˗gɔ ˗së ˈbhaa ˗nu ˈwo ˗bɛ ˗an ˗bha ˈnën ˗nu ˗kwɛ ˗bha, ˗an ˈsü La Tour de Garde waa Réveillez˗vous ! ˗nu ˈgü ɛɛnˈˈ kwa ˗bha ɛntɛnɛtö ˈˈnimlɔn jw.org ˗ta. Ka ꞊mɔɔn˗ ˗bha ˈka ˈwɔn ˗nu ˈö ˈnën ˗nu ˗wo bɔ ˗an ˈgü ꞊klaŋdhiʋ̈ waa ˗kɔ ˈwo ˗dho ˗a ˈˈɲan bhɔ ˗a ˈka, ˗a ˈˈdoo dɔ. Ɛɛnˈˈ ˈzü ka ꞊mɔɔn˗ ˗bha ˈka video do ˗ga yi ˗bha tele JW Télédiffusion (tv.pr418.com) ˗ta, kö ˈka ˗a ˈˈdoo dɔ. Ka ꞊mɔɔn˗ ˗bha ˈpö ˈö ˈˈtan ˗nu ˈkwa ˗dho ˗an bho ˗bhɔkwëë ˗nu ˗ta, ˈka ˗an ꞊draan. ˈKa ka bo, ka ꞊mɔɔn˗ ˗bha ˈka pë ˈnën ˈbha bhö ka ˈˈkwëë.

ˈˈTʋ̈ŋ ˗së ˈö ˈkɔdhi do ˈgümɛn ˗nu ˗dho ˗a ˈsü kö ˗wo Zoova ˗dhɔkë ˗a ˈka wo ˗bha ˈkɔdhi ˈgü bhë, ˗yö ˗dho ˗an ˗takun kö Biblö ˗wopösü ˈˈdhia ˗yö ˈmën ˗an ˈgü. ꞊Waa˗ kë ˈˈdhʋ̈, Zoova ˗dho ˈdhuëë˗ ˈkpɔ ˗an ˗bha.—Psaume 1:1-3.

• ˈMën ˗kë ˈö˗ ˗bha ˗së kö ˈkwa ˈˈtʋ̈ŋ ˈnën ˈbha ˈsü kö ˈkwa ˗Zlan ˗dhɔkë ˈkɔɔ?

• ˈNënmɛn ˗nu ˗dho ˗a kë ˗kɔ ˗kë ꞊dhɛ kö ˈˈtʋ̈ŋ bhë, ˗yö kë ˈˈtʋ̈ŋ ˗së ˈka ˈkɔdhigümɛn ꞊gban ˗bhaa ˈka?