Ɨma güivema Jehová oipota tëtara reta ñavo oyemboatɨ omomı̵̈rata vaerä iporogüɨrovia jare oyoaɨu katu vaerä (Deuteronomio 6:6, 7). Jaeramo, ore testigo de Jehová roiparavo metei ara pı̵̈tu yave semana ñavo romboete vaerä Tumpa orero pegua reta ndive jare royemboe oreiño oremborɨta ipı̵̈rata vaerä oreporogüɨrovia. Jaeño oiko vae ipuere vi oiporu kavi kuae pı̵̈tu oiparavo vae oyemboe vaerä Tumpa Iñeere jae oipota vaere jare oikuaa katu vaerä Tumpare.

Yayemboya katu vaerä Jehováre. “Peyemboya Tumpa re jare jae oyata peré” (Santiago 4:8). Yayemboe Iñeere yave yaikuaa katuta Jehová, echa jókope yaechata këraiko jae jare opaete oyapo vae. Remboɨpɨ vaerä ndeyemboatɨ ndero pegua reta ndive, pepuere pemongeta Tumpa Iñee, peiporu yemboatɨ Vida y Ministerio Cristianos oyemboeta vae. Metei ñavo pepuere pemongeta metei michi; javoi opaete pemiari oyoupe peyemboe vaere.

Yayoaɨu katu vaerä yandero pegua reta ndive. Kuimbae jare jembireko, tu reta jare taɨ reta, oyoaɨu katu oyemboe päve yave Tumpa Iñeere. Kuae yemboatɨ oyeapotako mbɨakatu jare yerovia reve, jökorai yave opaeteko oipotatëitama oyemboatɨ. Güɨramoi tu reta oipotata oyemboe taɨ reta ndive tembikuatía omborɨta oë vae La Atalaya jare ¡Despertad! ani jw.org Internetpe. Pepuere peecha mbae iyavai vae oasa oï yemboerendape jare kërai oñono kavi vaerä. Ani pemaevi televisiónpe JW Broadcasting (tv.pr418.com) javoi peyemongeta jesegua. Pepuere vi petairari Jehovápe oreyemboatɨpe oyeapo rami, jare pepuere vi penoi mbae peu vaerä.

Kuae pı̵̈tu yaiparavo vae yamboete päve vaerä Tumpa, omborɨta yandero pegua reta vae omomora vaerä omongeta Tumpa Iñee. Jare Jehová omboekoviata yandeve körai yayapo vaere (Salmo 1:1-3).

• ¿Maerapa yaiparavo metei ara pı̵̈tu yamboete vaerä Tumpa yandero pegua reta ndive?

• ¿Mbaepa oyapota tu reta opaete omomora vaerä kuae yemboatɨ?