Ŋali o yogu Jeova den yedi diegu kuli niba n baa li lenli ki taani ki bangi O maama. Laa bangima baa pugini bani leni Jeova danlingu paalu, leni laa diegu niba moko danligu paalu. (Mi tiadima 6:​6, 7) Lani n cedi ke tinba Jeova Siedinba ti ŋua yeni. Danalele kuli, diegu kuli pia u yogunu ki taagi ki kpiagidi U Tienu. Laa bangima yogunu tie pamanli yogunu, ki go dagidi leni u diegu kuli niba dandanli buama. Baa yi yaa ye yi bebe, laa bangima baa todi yinba leni Jeova danligu n puguni.

Laa yogunu pugindi yinba leni Jeova danligu paalu. “Yin nagini mani U Tienu kani, omo ba nagini yi kani”. (Jaka 4:⁠8) Ti yaa cogi biibili, ki la Jeova n tie yaa Tienu buolu leni O tuona n tie yaala, li pugindi ti buama leni-​O. Yeni-​de ti baa fidi cili ti diegu biibili bangima leni biibili cogu. Yi baa fidi cogi naankani ke ti cogi danalele kuli yeni. Bi diani-la yaa tili ke bi yii “ Cahier pour la réunion vie chrétienne et ministère ” nni. O diegu niba kuli baa fidi cogi boagidi yendo. Yi yaa cogi gbeni yi baa fidi boe yin bangi yaala po.

Laa yogunu pugindi u diegu niba buama. Ja leni o pua, bi bidanba leni bi bila yaa taagi ki bangi biibili yeni li pugindi mi buama bi siiga. Li ŋani laa bangima yogunu n tua pamanli leni yanduanma yogunu, ke u diegu niba jegibi lani pundi tontoni. Li go ŋani bi bidanba n baa yaa booli n paki bi bila ki boe leni ba. Bi baa fidi maadi ban laadi yaa paka bi cogidiena nni, leni ban baa fidi moa leni laa paka maanma. Bi bidanba baa fidi lingi booli tiama Réveillez-​vous! leni Tour de Garde nni, bi ti sito jw.org nni. Bi go baa fidi diidi JW Télédiffusion (tv.pr418.com) leni bi diegu niba, ki boe ban bangi yaala po. Bi bidanba tianba mo yen bangi yaa yani ke bi baa yiini li taanli po. Tianba mo go taagi ki di, ki ñu, bi bangima yaa gbeni.

U diegu niba yaa taagi bangi biibili yeni danalele kuli, yua kuli baa pugini o buama leni Jeova. U Tienu moko baa paa-ba ŋalibalika ciamo.​—⁠Pisomi 1:​1-​3.

• Beepo ke ti ñani o yogu ki bangi biibili yeni leni ti diegu niba?

• Bi bidanba baa tieni lede bi diegu biibili bangima n yaa pia li pamanli?