Jehovap it­sarsuar­li kis­saatigaa ilaqutariit tamarmik immik­kut kateri­simaartas­sasut inoqutigiit­tut anersaak­kut nukit­torsaqatigiil­lutik. (5 Mosesi 6:6, 7) Taamaat­tumik Jehovap Nalunaajaasui sapaatit-akun­neri tamaasa ilaqutariit­tut atuaq­qis­saaqatigiin­nis­samin­nut pif­fis­saqartar­put – anersaak­kut it­tut pisariaqar­titamin­nut naleq­qus­sak­kat eq­qis­sil­lutik oqaloqatigiis­sutigalugit. Kisimiit­tuugaluaruil­luun­niit nammineq sammerusutat pil­lugu Biibilimik atuaq­qis­saaruit pif­fis­samik ator­luaas­saatit.

Jehovamut qanil­li­umal­luta. “Guuti qanin­niarsiuk, taava taan­na ilis­sin­nut qanil­lis­saaq.” (Jaaku 4:8) Jehova ilisarisimanerulertar­par­put immik­kuualut­tut kinaas­susianut iliuusiinul­lu tun­ngasut Biibilimi atuaraangat­sigit. Ilaqutariit­tut atuaq­qis­saaqatigiit­tarneq aal­lartil­luarneqarsin­naavoq pif­fis­sap ilaani Biibilimik atuaqatigiin­nik­kut, immaqa Inuuneq kiffartornerlu pillugit ataatsimiinnermi sapaatip-akunneranut atuagassat atuarlugit. Atuagas­sat taak­ku ilaqutariin­niit­tunut tamanut agguataarneqarsin­naapput, atuarneqareer­patalu Biibilimit ilin­niagas­sartaat tamarmiul­lutik oqaloqatigiis­sutigisin­naavaat.

Ilaquta­riit­tut immit­sinnut qanil­liu­mal­luta. Uiusut nuliaasul­lu aamma angajoq­qaat qitornal­lu ilaqutariit­tut atuaq­qis­saaqatigiik­kaangamik ataqatigiil­luarnerulertar­put. Atuaq­qis­saaqatigiin­neq nuan­nersuusariaqar­poq eq­qis­sisimanartuul­lunilu sapaatil­lu-akun­nerani qilanaarnarner­paajusariaqar­luni. Qitornat qas­sinik ukioqarnerat apeq­qutaatil­lugu angajoq­qaat oqaloqatigiis­sutis­samik aalajangius­sisin­naapput, immaqa Napasuliaq Alapernaarsuiffik-mi Vågn op!-imilu imaluun­niit nit­tartak­kat­sin­ni, jw.org-imi, al­laaserisat ator­lugit. Qitornavit atuarfimmi ajornartor­siutigi­saat tamak­kualu qaangernis­saan­nut suna iluaqutaasin­naanersoq oqaloqatigiis­sutigisin­naavasi. Aamma JW Broadcasting-imi (tv.pr418.com) aallakaatitaq isiginnaarsinnaavarsi kingornalu eqqartorlugu. Ataat­simiin­nerni erinarsuutigi­neqartartut sungiusarnerat immaqa nuan­naris­savarsi, aamma immaqa ilaqutariit­tut atuaq­qis­saaqa­tigee­reerus­si ar­laan­nik sutulaarusus­saasi.

Sapaatit-akun­neri tamaasa Jehovamik pal­lorfigin­neqatigiin­neq Guutip oqaasianik atuaq­qis­saaqatigiin­nerup nuan­naarutiginis­saanut ilaqutariin­niit­tut tamarmik iluaqutigis­savaat, Jehoval­lu iliuuseqarnisi pil­luaq­qungaas­savai. – Tussiaat 1:1-3.

• Sooq ilaqutariittut atuaqqissaaqatigiinneq aalajangersimasumik piffissalerparput?

• Angajoqqaat atuaqqissaaqatigiinneq ilaqutariinnut qanoq nuannersuutissinnaavaat?