DISÁ 10
O Ubhezelu ku Muiji Ihi?
Coréia do Sul
Brasil
Austrália
Guiné
Tundé ukulu Jihova ua mesenene kuila o muiji u kala ni kithangana kia kukala kumoxi, phala ku di suínisa mu nzumbi, ni kusuínisa o ukamba uâ ku muiji. (Matendelelu 6:6, 7) Mukonda dia kiki, o Jimbangi ja Jihova ene ni kizuua phala kubhanga o ubhezelu ku muiji
Kiki, kiene o kithangana kia kuzukama kua Jihova. ‘Zukamenu kua Nzambi, muéne n’a mi zukame ué.’ (Tiiaku 4:8) Tu beta kuijiia Jihova, kioso ki tu di longa o ídifua iê ni ima iene mu bhanga, bhu kaxi ka Bibidia. Phala kumateka o ubhezelu uê ku muiji, ua tokala ku mateka kutanga o Bibidia kumoxi mu dízui dia suína, kala o kutanga ibatulu ia Bibidia ia-nda tanga mu kiônge, mu Ukexilu ua Ukidistá ni Ukunji Uetu. Kala muthu ku muiji u tena kutanga mbandu ia kibatulu. Mu kusuka-ko oso ku muiji a zuela ia di longo mu Bibidia.
Kiki, kiene o kithangana kia ku di zukama dingi ku muiji. O mala ni ahatu, ni jitata ni tuana a suínisa o ukamba uâ kioso kia di longa o Bibidia ku muiji. Kithangana kia kusanguluka, kia kutululuka, kiene o kima kia beta kota kia tokala kubhanga ku muiji mu semana. O jitata a tokala kusola o milongi phala kuzuela ni tuana tua i tala ioso ku muiji, saí ithangana a tena kudilonga O Mulangidi ni Despertai! bhu kaxi ka kijimbuete kietu kia jw.org. Ihi i mu banza se mu tala o minangu ia mutelembe ia izunzumbia a kixana, JW Broadcasting (tv.pr418.com) ni kuzuela o mbote i mua katula ku disukilu? U tena kuzuela ni tuana tuê o maka ene mu bhita nau bhu xikola, ni kiebhi kia tena kudibhana nau. Mu tena ué kuimba o mimbu ia-nda kuimba mu iônge, ni kudia kioso ki mu zubha o ubhezelu ku muiji.
O kithangana kiene mu bhanga mu kubheza Jihova kumoxi semana joso, ia-nda kuatekesa oso ku muiji kuuabhela o mak’â Nzambi, ni kutambula mabesá.
-
Mukonda diahi tuala ni kizuua kia ubhezelu ku muiji?
-
Kiebhi o jitata kia tena kubhangesa kuila o ubhezelu ku muiji, ki kala kithangana kia kusanguluka?
