Юмо дене кылым эре пеҥгыдемден шогаш кӱлеш, тыгакак еш кылымат пеҥгыдемдыман. Кажне еш, пырля погынен, тидлан посна жапым ойырыжо манын, Иегован эре кумылжо лийын (Второзаконие 6:6, 7). Сандене кажне арнян Иегован Таныкше-влак, уло еш дене Библийым шымлаш манын, жапым ойырат. Тиде тыгай пагыт, кунам еш духовный теме-влак нерген мутлана. Темым кажне ешыште кӱлешлыкышт почеш ойырен налыт. Те шкетын иледа гынат, Юмо дене кылым пеҥгыдемдаш манын, арня коклаште жапым ойырен налза да Библий шымлымашдам тыланда келшыше радам почеш эртарыза.

Тиде Иегова деке лишемда. Библийыште возымо: «Юмо деке лишемза, тунам Тудат тендан деке лишемеш» (Иаковын 4:8). Иеговам сайрак пален налаш тудын Мутшо полша. Библийыште тудын койыш да пашаж-влак нерген возымо. Сандене ешге шымлымыда годым Библийым пырля йӱкын лудын кертыда. Мутлан, «Илыш ден служымаш» вашлиймашын арня еда графикше почеш. Ойырен налме ужашым черет дене лудса. Лудмо деч вара тек кажне каласа, могай пайдам тудо шкаланже муын.

Тиде ешым уша. Библийым пырля шымлымаш марий ден ватым да ача-ава ден икшывым лишемда. Библийым пырля шымлымаш кумылым нӧлта да чылаштымат куандара гын, тунам уло еш тиде пагытым вучаш тӱҥалеш. Кунам ача-ава-влак шымлымашлан ямдылалтыт, нуно йочаштын ийготыштым шотыш налын, келшен толшо материалым кычалышаш улыт. Мутлан, йочан школышто проблемыже уло гын, ача-ава «Орол башне» да «Помыжалтса!» журналлаште але jw.org сайтыште тыгай статья-влакым муышаш улыт, кудышт тиде нелылыкым сеҥаш полшат. Еш дене шымлыме годым интернет-телевидений гыч (tv.pr418.com) мемнан видеоматериалнам ончаш лиеш да вара пырля лончылаш. Але вашлиймашыште лийшаш мурым мураш. А шымлымаш деч вара тамле кочкышым кочкын але иктаж-кузе модын кертыда.

Иеговалан ешге кумалаш манын, арня еда жапым ойыреда гын, уло еш Юмын Мутшым йӧраташ тӱҥалеш. Иегова тендан тыршымашдам суапландара манын, пеҥгыдын ӱшанен кертыда (Псалом 1:1—3).

• Еш дене Библийым шымлашлан молан ме жапым ойырена?

• Еш дене пырля Библийым шымлымаш оҥай лийже манын, ача-ава-влак мом ыштен кертыт?