Kubvira munguva yo kare, Jehova waida kuti mbhuri no mbhuri ipeje nguva iri pamwepo icivangisa umujimu hwayo zve kuvangisana. (Deuteronòmio 6:6, 7) Ndiyo ndava Zvapupu zva Jehovha zvinokheta nguva no njiku pa bviki ngo vhiki kuti mbhuri inamate pamwepo icibhuisana yakasujunuka, shwiro jo kumujimu jinozwirana maningi-ningi no mugariro wayo. Pikija mecigara mega, nguva yondhoyo mungaita zvaushoni ngo kuipeja na Mwari pa jijo yo Bhaibheri, meciteveja urongwa hwenyu.

Uwu mukuvo wo kukhwedera phedo na Jehovha. “Khwederanyi kuna Mwari, Yena anozomukhwedereravo.” (Jakobo 4:8) Tinoguma pa kuziva Jehovha zvakanaka patinojija zvizinji ngo pamusoro po undhu no zviito zvake kubva mu Izwi rake rakatahwa. Njira imwe yakareruka yo kutangisa kunamata kwenyu ko mbhuri ngo yo kupeja nguva pamwepo meciverenga Bhaibheri, pikija kuteverera urongwa hwo bviki no bviki hwo Musongano Upenyu no Mushando. Ndima yo kuverenga ingagajwa umwe na umwe pa mbhuri, perapo vese vangabhuisana zvavajija kubva mu Matahwa.

Uu i mukuvo wo kukhwedererana ko zvihwa zvo mbhuri. Majimwamuna no vakaji, kubatanijavo vabari no vana, vanovangisa ushamwari hwavo pa vanojija Bhaibheri inga mburi. Inofanera kuva nguva yo kudakara, yo mutendere no yo citiko cikuru co bviki. Zvecifira ku mupira wo vana vavo, vabari vangakheta musoro jinoshanda kuti vabhuisane, pikija kushandisa jinowanika mu Murindiri no Mukai! Kana jinowanika mu site yedu, jw.org. Mungabhuisana ngo zvibingamipini zvinowanana no vana venyu ku kuhwisana nazvo. Ngenyi amuvoni zvirongua zvo terevhizau zviri mu JW Brodcasting (tv.pr418.com), mukapera mobhuisana ngo pamusoro pazvo? Mungadarazve ngo kuimba ndumbo jinoda kuimbhwa ku musongano zve kuha mapeja kunamata ko mburi.

Nguva iyi kamare inopejwari pa bviki ngo bviki mukunamata Jehovha pamwepo zvinozobesera vese pa mbhuri kuti vawane mudakaro mu Izwi ra Mwari zve anozokomborera maningi ndhamburiko jenyu.—Nduyo 1:1-3.

• Ngenyi tinokheta nguva yo kunamata ko mbhuri?

• Vabari vangaitisa kudini kuti nguva iyi ive inodakajisa vese?