Bandandó gã ko, Yehova ndo yendó ya nda sewa kɔi kɔi agere na ngoi ndoni kɔi, so lɛkɛngɔ na mangbi tɛ la na Nzapa nga na kpengbangɔ na azi ti nda sewa ni. (Kolimbola Mibeko 6:6, 7) Ndani la Atɛmwɛ tɛ Yehova ndo du ndoni kɔi mbɛni ngoi na ya pɔsɔ ti vɔrɔngɔ Nzapa ndoni kɔi, na ngoi niko ala ndo ba tɛnɛ tɛ Nzapa mɛ amangbi na gwɛ̃ ti nda sewa tɛ la. Abɛ se mɔ du bo mɔ kɔi ko, mɔ lengbi ti gingɔ ngoi ti mangbingɔ na Nzapa na mandangɔ tɛnɛ kɔi mɛ mɔ sala ka ya Ngbangɔ.

Adu ngoi ti fɔ̃ngɔ tɛrɛ na Yehova. “Ĩ fɔ̃ tɛrɛ ĩ na Nzapa, wa Nzapa afɔ̃ nga tɛrɛ lo na ĩ.” (Zaki 4:8) E ndo hĩnga Yehova nzɔ̃ni ngoi mɛ e ndo manda alo gba mɛ aba ase liye tɛ lo nga na akwa tɛ lo ka ya Ngbangɔ mɛ tɛnɛ tɛ lo. Lége ti woni ti bandangɔ sambela ti nda sewa adu dingɔ Ngbangɔ nga ma seko la asu ka ya prɔgramɛ ti Kalasi ti kwa ti Teokrasi. Alengbi ti hɛngɔ zo na zo anduru vɛrsɛ ti dingɔ, na pɛni ĩ zu ĩ gbinyangbi tɛnɛ na ndo lo mɛ ĩ ma ka ya Ngbangɔ.

Adu ngoi ti kpengbangɔ na mangbi ti nda sewa. Mangbi tɛ kɔli na ya lo, tɛ awa dungɔ ayangambi na aya la, ndo kpengba ngoi mɛ ala ndo manda Ngbangɔ ka nda sewa. Ale adu ngoi ti sepalangɔ, ti siriri nga ngoi mɛ zo ndo ku na dengɔ be ya pɔsɔ kɔi kɔi. Awa dungɔ ayangambi alengbi ti gingɔ abɛli tɛnɛ mɛ amangbi na buru tɛ ayangambi tɛ la, bere ala lengbi ti gingɔ abɛli tɛnɛ ni ka ya Linɔ́ngi ya Mosɛnzɛli nga na Lamuka! bere ka ya site ti Internet tɛ e, jw.org nga na JW Broadcasting (tv.pr418.com). Ĩ lengbi ti tɛnɛngɔ tɛnɛ na ndo kpengba lo mɛ ayangambi ndo tengbi na ni ka kalasi nga na se ti nwɔ̃ngɔ na kpengba lo ni. Ĩ lengbi nga ti mandangɔ abia mɛ ĩ na yengɔ ka bombi mɛ ga bere ĩ tɛ nga ye so pɛni.

Ngoi ko la ĩ ndo gere na ni ya pɔsɔ zu so sambelangɔ Yehova ndoni kɔi na zangɔ kɔi kɔi ka nda sewa ya lo lwa dengɔ bɛ na mandangɔ tɛnɛ tɛ Nzapa, Nzapa nga na surungɔ gégégé tɛ ĩ.​—Nzembo 1:1-3.

• Na lo ti nɛ la e ndo sala bi kɔi na ya pɔsɔ ti sambelangɔ Nzapa ka nda sewa nɛ?

• Awa dungɔ ayangambi ali ngasia wa nda sewa alwa dengɔ bɛ na ngoi niko nɛ?