O Jehovas furt kamel, kaj e daj the o dad le čhavenca te keren sa jekhetane, kaj te en pašeder ke leste a rado pes te dikhen. (5. Mojžišova 6:6, 7) Vašoda le Jehovaskere svedki peske arakhen o časos, sako kurko te sikavel pes pal o Del jekhetane pro roďino študijum. Sikaven pes andal e Biblija a roden ode, so lenge pomožinela andro dživipen. The ola, so len nane čhave abo dživen korkore, thiš peske arakhen o časos pre ajso biblicko študijum, so lenge pomožinel te el pašeder ko Del.

O študijum, so pomožinel amenge, kaj te avas pašeder ko Del. E Biblija phenel: Aven pašeder paš o Del a ov avela pašeder paš tumende. (Jakub 4:8 NZ) Andal e Biblija pes dodžanas buter, savo hino o Jehovas a so kerel. Vašoda pre amaro roďino študijum šaj genas e Biblija, napriklad oda, so džal pro zhromažďeňe o Dživipen the služba. Ada hin neklokeder, so šaj keras jekhetane sar fameľija. Sakojekh tumendar šaj pregenel varesavi časť andal e Biblija a paľis šaj phenen, so tumen dodžanľan.

O študijum, so pomožinel amenge, kaj te avas pašeder jekh ke aver. Te študinel e Biblija jekhetane o rom la romňaha abo e daj the o dad le čhavenca, akor barol lengeri laska. Hin ada časos, kaj te radisaľuvas, te šunas pes mište a te kidas avri lačhe lava. Pal ada, keci berš hin lengere čhavenge, e daj the o dad kiden avri, so študinena. Šaj kiden vareso avri andal amare biblicka časopisi abo pal e webovo stranka jw.org. Šaj den duma tumare čhavenca pal ada, so nalačho zadživen andre škola a den len goďi, so te kerel. Tiš lenca šaj dikhen pro programos, so džal pre amari televiza JW Broadcasting (tv.pr418.com) a paľis peske phenen, so tumenge odoj pačisaľolas. Šaj tumen lenca sikaven o giľa, so džana aver kurko pro zhromažďeňe. Pal o roďino študijum, tumenge keren vareso te chal, kaj tumenge te el mište!

Te sako kurko jekhetane avka študinena, tumara fameľijake ada pomožinela te lel peske ko jilo le Devleskero lav a o Jehovas tumen žehňinela. (Žalm 1:1-3)

• Soske kampel peske te arakhel časos pro roďino študijum?

• So šaj keren e daj the o dad, kaj savore te radisaľon pre ada študijum?