Ехова машгала агзаларының вагтыны билеликде гечирип, рухы тайдан беркемегини ве машгала гатнашыкларының ыснышыклы болмагыны ислейәр (Канун таглыматы 6:6, 7). Шол себәпли Ехованың Шаятлары хер хепде машгала окувыны гечирйәрлер. Олар муны асуда шертлерде гечирип, машгаланың рухы зерурлыкларына дегишли темалар хакда пикир алышярлар. Эгер сиз еке яшаян болсаңыз, онда Мукаддес Язгылара эсасланан бир теманы сайлап, Худай билен якындан достлашмак үчин вагт сарп этсеңиз пейдалы болар.

Ехова якынлашдыряр. Мукаддес Язгыларда: «Худая якынлашың, Ол хем сизе якынлашар» дийилйәр (Якуп 4:8). Мукаддес Язгылар бизе Ехованы хас говы танамага көмек эдйәр, чүнки онда Худайың хәсиетлери ве эден ишлери барада айдыляр. Машгала окувыны нәдип гечирсе боляр? Әхтимал, сиз машгала окувында Мукаддес Язгылары сесли окамак исләрсиңиз. Сиз бу бабатда хер хепде гечирилйән Вагыз мекдеби душушыгында Мукаддес Язгылары окамагың тертибине эерип билерсиңиз. Окалмалы аятлары машгала агзаларыңыза пайлаң ве соңра олардан нәме өвренендиклерини гүррүң бермеги хайыш эдиң.

Машгаланы агзыбир эдйәр. Мукаддес Язгылары билеликде окамаклык әр билен аялың ве ата-энелер билен чагаларың достлуклы гатнашыгыны беркидйәр. Шейле окув машгала үчин шатлыклы, асуда ве сабырсызлык билен гарашылян гүн болмалы. Ата-энелер машгала окувы үчин теманы «Гаравул диңи» журналындан ве башга-да эдебиятлардан сайлап билерлер. Эмма олар чагаларының яшыны хем гөз өңүнде тутмалы. Меселем, мекдепде йүзе чыкайҗак кынчылык барада ве чагаларыңызың оңа нәдип хөтде гелип билҗекдиклери хакында пикир алшып билерсиңиз. Шейле-де машгала окувында йыгнак душушыкларында айдылҗак айдымлары айтса боляр. Сиз машгала окувындан соңра чай ичип я-да оюн ойнап билерсиңиз.

Ехова сежде этмек үчин хер хепде вагт сарп этсеңиз, машгала агзаларыңызың әхлиси Худайың Сөзүнден көп шатлык тапарлар. Ехова сизиң эдйән тагаллаларыңызы хөкман сылаглар (Зебур 1:1—3).

• Биз нәме үчин машгала окувына вагт сарп эдйәрис?

• Ата-энелер машгала окувының гызыклы болмагы үчин нәме эдип билерлер?