Té fhou éfœu’ mvhô, Joovah a kông nguè épouô aziè atseung-è nguia lè é zoo njheu ndôk ntchou’té nkwa éfœu’, éseumté ménèt môp ndôk nteueté anè éshheu ajwakné. (Deutéronome 6:6, 7) Poup tè, Ménjheuè-njiô Joovah é nkwa méngap, nzoo njheu ndôk ntchou’té, ngou’tè Joovah pô métseung-è nguia môp—pô lôkô aghangtè nèt ntông-ô Biible, nzi’né méthouô ashoung-né mi é tswhi ntchiitè atseung-è nguia zôp mbing njiô pa’ pô ghô jheuè apè poup. O zi nang wou ngnwèt, mbô o ghô zeung nzoo njheu ndôk ntông-ô Biible mbô émô’ méthouô ashoung-né mi o kông, ndôk ntshouté nèt mbaatè Ndem.

É si ngô njheu a lélôk ntshouté nèt mbaatè Joovah. “Pè tshouté nèt mbaatè Ndem, a ping ntshouté nèt mbaatè wè.” (Jacques 4:8) Mpè ghô zhè Joovah mbông-ô, éyi mpè zi’né méngheu-nou mi mbô méntsi mi é mi mè lé tii a nteu Biible. Mô’ éshheu yi é zang-né a lélôk nzii atchou’té atseung-è nguia jou é si ngô a létông-ô Biible mé mia nghi, ngô mô’ énông-ô ntchiitè atangté ngap zi a nteu Cahier pour la réunion Vie chrétienne et ministère. Mè ghô yè a ta’ akeumè Biible a mbou awuè-wuè a nteu atseung-è nguia zi a koo tông; awuè a ping nkouô alé’é atchou’té atseung-è nguia éshoung-ô ajoumi a jou’ mbô apè zi a jheu.

É si ngô njheu a mbou épouô ta’ atseung-è nguia a lékouèt ngô ta’. Méloo pô wôngwi pôp ngheu mémô’ô pô wônkheu é tchou’té nzi’nè a Biible a, a seumté ménèt môp, mbing ngheu pô wuè atchouang mbông a nnô pôp. É pôngtè léghô njheu mia lékak pô mbouèné zi awuè-wuè a ghô zu’té anè ngap ala’. Mémô’ô é ghô fhô anè méngou’ ala’ wônkheu pôp, éfôk méthouô ashoung-né a nteu La Tour de Garde mbô Réveillez-vous ! kèè a nteu site internet weuk jw.org lè. Pô ghô zeung shoung-né pô wônkheu anè ménguengue mi pô wuè a aji’è assikou, mbing nguiè wôp ménteukné a lélôk ndœuô’. Atseung-è nguia a ghô zeung ntchiitè JW Télévision (tv.pr418.com), awuè a ping nkoo shoung-ô ajoumi a jiô nzeung njou’. Mè ghô zeung nzôp mézôp mi é anè atangté métchou’té ngap ala’, mbing mpfèt kèè nzeung nnou meung-è ataa azou lè, tè mbô mè mmak.

Épouô ta’ atseung-è nguia é tchou’tè a nkwa méngap ngou’tè Joovah, mbô a tswhi kuitè awuè-wuè a léghô mé lékak afœu’ zi pô si nzi’nè ashoung-nè Ndem. Ndem a té shi’ neung té yè aping-nè afa’ zôp-ô.​—Psaume 1:1-3.

• Mpè pôngtè a lézoo njheu ndôk ngheuè atchou’té atseung-è nguia mela’akô?

• Mémô’ô é ghô ghaa tè awuè-wuè a ghô mé lékak afœu’è atchou’té atseung-è nguia?