Desde úuchjeakileʼ, Jéeobaeʼ u kʼáat ka u muchʼuba le máaxoʼob yanoʼob ichil le familia utiaʼal ka u maas natsʼubaʼob tiʼ letiʼ yéetel ka u maas bisubaʼob ichiloʼoboʼ (Deuteronomio 6:6, 7). Le oʼolal u j-jaajkunajoʼob Jéeobaeʼ ku jóoʼskoʼob u súutukil cada semana utiaʼal u múuchʼ adorartikoʼob Dios, beyoʼ ku tsikbaltikoʼob le baʼaxoʼob ku yaʼalik Dios unaj u beetik cada juntúuloʼ. Le máaxoʼob chéen tu juunal kajakbaloʼoboʼ, jeʼel u jóoʼskoʼob u yutsil tiʼ le súutukil ku tsʼáaikoʼob tiʼ Dios ken u xakʼalxoktoʼob junpʼéel baʼax ku kaʼansik le Bibliaoʼ.

U súutukil utiaʼal k-natsʼikba tiʼ Jéeoba. «Natsʼabaʼex tiʼ Dios, letiʼ túuneʼ bíin u natsʼuba tiʼ teʼex.» (Santiago 4:8.) Ken k-xok le Bibliaoʼ k-maas kʼaj óoltik Jéeoba, k-kanik maas tiʼ u modos yéetel tiʼ bix u tratartik máak. Junpʼéel bix jeʼel a káajsik a xook ich familiaeʼ letiʼe ka a xok kʼaʼam le Bibliaoʼ, maʼ xaaneʼ jeʼel u páajtal a xokik le jaatsoʼob kun ilbil cada semana teʼ muchʼtáambal Kuxtal yéetel Meyaj jeʼex Cristooʼ. Cada juntúuleʼ jeʼel u páajtal u xokik junpʼéel jaatseʼ, ken tsʼoʼokkeʼ ku yaʼalikoʼob baʼaxoʼob tu kanoʼob tiʼ le baʼax ku yaʼalik le Bibliaoʼ.

U súutukil utiaʼal u maas biskuba le familiaoʼ. U múul xoʼokol le Bibliaoʼ ku yáantaj utiaʼal u biskuba maas maʼalob le íichamtsil yéetel u yatanoʼ bey xan yéetel u paalaloʼoboʼ. Teʼ súutukilaʼ unaj u yantal kiʼimak óolal yéetel jeetsʼeliliʼ, tuláakal unaj u tsʼíiboltik u yantaliʼ. Maʼ xaaneʼ le taatatsiloʼoboʼ jeʼel u yilkoʼob maas maʼalob ka u xakʼaltoʼob le jaatsoʼob ku taasik U Pʼíich Tulumil Kanan yéetel ¡Despertad! wa le yanoʼob teʼ sitio jw.org, jeʼex ken u yiloʼob kʼaʼabéet tiʼ u paalaloʼobeʼ; maʼ xaan xaneʼ maʼalob ka tʼaanakoʼob tiʼ bix jeʼel u aktáantkoʼob junpʼéel talamil yaantiʼob teʼ escuelaoʼ. Maʼ xaan xaneʼ jeʼel u páajtal u yilkoʼob le programa JW Broadcasting (tv.pr418.com) yéetel u múul tsikbaltikoʼob ich familiail. Jeʼel xan u páajtal u ensayarkoʼob le kʼaayoʼob kun kʼaybil teʼ muchʼtáambaloʼoboʼ yéetel ken tsʼoʼokkeʼ jeʼel u páajtal u yukʼikoʼob wa baʼaxeʼ.

Le súutukil k-jóoʼsik cada semana utiaʼal k-múuchʼ adorartik Jéeobaoʼ, ku yáantaj utiaʼal u jatsʼutstal u yilik le familia u xookil le Bibliaoʼ yéetel letiʼeʼ yaan u jach kiʼikiʼtʼantik le baʼaxoʼob k-beetkoʼ (Salmo 1:1-3).

• ¿Baʼaxten k-jóoʼsik u súutukil utiaʼal k-adorartik Dios ich familia?

• ¿Baʼax jeʼel u beetik le taatatsiloʼob utiaʼal ka jatsʼutschajak u yilaʼal le adoración ich familiaoʼ?