Mba vù se nke ngebte là, Yésu tshob ndù: “Bo nsi tshob yen nkùn mebwô Nufen Nsi là ntùm njoñ njù fa, ndù a be ju nekwé nta njoñ ngô fa kà miagde nu seʼe.” (Matio 24:14) Ndaʼndù yen faʼ nesoñ nkùn mebwô ntùm njù sagkuà là nsi dundʼà ndùke? A nebét mfiʼ ze Yésu fañ ngelañ a be num nsitshaʼ là.​—Lukas 8:1.

Bag be nkagtùn neyen benntùn ndà bo. Yésu tswide Ghaziʼde nu i nesoñ nkùn mebwô nshundà nshundà. (Matio 10:11-13; Mfaʼ Ghantum 5:42; 20:20) Ba mbwe Benkristô naʼ ghù ba ntañlaʼ dùʼ zʼa naʼ mbe boaʼ soñ ntshob Nsi bwe là. (Matio 10:5, 6; 2 Korintô 10:13) Mba sènni, yag nesoñ ntshob Nsi ghù taʼ nkazin, mba zit ndà ntseʼde lo ghù taʼ dùʼ nezin soñ ntshob Nsi bwe. Yennà fà manze bag nedunde ntshùʼ Yésu, mbe “bag tshob ntshob mi benntùn mbèn nkwé nta.”​—Mfaʼ Ghantum 10:42.

Bag num nkagtùn nediag benntùn njoñ dùʼ fa. Mba Yésu naʼ mfà mfiʼ nediag benntùn tèt yàme, mbañ ntse, mbèn ngù mba yà lo zʼa naʼ nke njen benntùn nà. (Marko 4:1; Yohané 4:5-15) Mba bag num nswade ntshob boa benntùn mba yà lo, num manze, dùʼ faʼ, tèt yàme, mba bo kap. Bag num mbèn nsoñ nkùn mebwô tshag ghambañ ndà, ghafaʼ, shun ñwaʼni, ngù fèt tshag ntùm tunndà ngelañ à fà bu là. Njoñ tshen kagtùn nà fa tshoʼ manze ntshuʼ ntshuʼ benntùn num nsitshaʼ bo juʼ nkùn mebwô zʼa fà yôg là.​—Yobkwi 96:2.

O kwade taʼ mènntùn zʼo tshwèt nkô nesoñ i nkùn mebwô Nufen Nsi bo mbwô tshu tsʼa loʼ nseʼ i ndùmànyam ké? Kà léʼ yen mbwô nywinde là tùʼ o. Ghabtʼé njoñ benntùn fa ngelañ a fà bu là.

• Zit nkùn mebwô be ghù nesoñ à?

• Ghakwénta Yaweh Nsi nke mfiʼde mat Yésu nesoñ Ntshob Nsi à ndùke?