Ketsuútsi ʼakuxi kamɨwetɨ putayɨ́: «ʼIkɨ niuki ʼaixɨ ʼaneneetɨ metá hehékwatɨ pɨkuxaatsieni, kenaame Yuútsi titanɨʼani naime kwieepatsíe naitsarie mɨʼenierienikɨ; metá yetiyɨyu katineutiparimɨkɨ» (Mateo 24:14). ¿Kehepaɨ tiyukuxaatakekai Yuútsi Niukíeya naime kwieepatsíe? Ketsuútsi mɨtiuʼɨɨkitaxɨ hepaɨ ʼeena kwieepa (Lucas 8:1).

Teuteri wakíe tepɨwaruyeʼiwatatɨkɨka. Ketsuútsi yutɨɨriyama pɨtiwarutaʼɨɨkitɨa, kehepaɨ niuki ʼaixɨ manɨyɨtɨká memutexaata, teuteri wakíe meʼutaʼaxetɨ (Mateo 10:11-13; Hechos 5:42; 20:20). Matɨari niuki memɨkuxaatakai, yamepɨteʼutahɨawarie hakewa niuki memɨkuxaatakekai (Mateo 10:5, 6; 2 Corintios 10:13). Yaxeikɨ́a tsiere tame hiikɨ mɨpaɨ tepɨteʼuhú, naitɨ xeɨritsikate mɨxuawe pexeiya hakewa niuki memɨkuxaatani. Mɨpaɨ tepɨteʼayeʼatɨwa Ketsuútsi kemutayɨ́, teuteri niuki tepɨwakuxaxaatɨwa «tekawaʼuuwetɨ» (Hechos 10:42).

Teuteri wahetsɨa tepɨyeʼaaxé tseepá hakewa. Ketsuútsi tsiere niuki pukuxaa meyuwaɨkawatɨ memɨkuxuawetɨkateitsíe, haramara tetsita nutsɨ hakewa mematihanɨwekaitsíe (Marcos 4:1; Juan 4:5-15). Tame yaxeikɨ́a tsiere Yuútsi Niukíeya tepɨkuxaata tseepá hakewa: huyetá, mɨtiwatuiyatsíe, la plaza nutsɨ telefonota. Tsiere tepɨtewakuxaxaatɨwa taʼaurié kiekatari, tahaamatɨa memɨteʼuximaya, ʼetsikwera memayetei metá tamaremá. Mɨkɨ pɨtikuyuruwa meyuwaɨkawatɨ teuteri naime kwieepatsíe, memɨkuʼeniwani «niuki mɨhehekwa mɨtiyuwikweitsitɨwa» (Salmo 96:2).

Xeimetsíe keneutiʼeri, tineutaxaatɨa niuki Yuútsi ʼIitsɨɨkame mayetɨa heetsíe mieme metá mɨkɨ kemɨtipareewiwe ʼuxaʼa warié. Mɨkɨ niuki xeikɨ́a peukaʼutani, hiipame ketinewakuxaxaatɨwani.

• ¿Keʼaneneeme «niuki ʼaixɨ ʼanɨyɨtɨkaime» tepɨkuxaatani?

• ¿Kehepaɨ Ketsuútsi tepɨʼɨɨke niuki tekuxaatatɨ Jehová temayexeiya?