Yeesus hot khorts foer sayn toot kesaat: “Tiise kuute aatere fom raych wëre uf te kans pewoont Ëyert kepreeticht këpe, tsum tsaye fer ale natsioone; un tan khomt tas ën.” (Mateus 24:14) Awer wii wërt tiise preetich aarwayt uf te kans wëlt kemacht? Kenau soo wii Yeesus es kemacht hot, wii ëyer uf te Ëyert waar. — Lucas 8:1.

Mëyer suuche ti layt in sayn aychne hayser. Yeesus hot sayn tisiple in kelërnt ti kuute aatere haus tsu haus se preetiche. (Mateus 10:11-13; Atos 5:42; 20:20) Tiise preeticher fom ëyerste yoer hunert solte in spetsiifixe plëtse preetiche. (Mateus 10:5, 6; 2 Coríntios 10:13) Hayt is unser preetich aarwayt aach kuut orkanisiirt un yeete kemaynt kriit een aychne teritorium woo se mit te preetich aarwayt tëke tuun. Soo khëne mëyer wii Yeesus uns kexikt hot, ‘preetiche un een komplët tsaye’ këpe. — Atos 10:42.

Mëyer suuche ti layt iweraal woo se sin. Yeesus hot in puuplixe plëtse kepreeticht, wii ticht am meer orer am waser pruner, un hot uns soo een payxpiil kelos. (Marcos 4:1; João 4:5-15) Soo wii Yeesus, tuun mëyer mit te layt iwer ti Piipel xprëche iweraal woo se sin: uf te xtroos, im kexëft plats, in parke orer torich tas telefoon. Imer wën es meechlich is, tuun mëyer aach iwer unser klaape xprëche mit nochpaare, parente un layt woo mit uns xafe orer in ti xuul keen. Tës weeche, khëne milioone layt in te kans wëlt “ti kuute aatere fon rëtung” aan heere. — Salmo 96:2.

Këpst yemant, mit weem tuu iwer ti kuute aatere fon Kot sayn Raych xprëche un aus lëye khanst was tas noch in sayn futuer aus mache khan? Tuu tas nët fer ticht pehale. Nuts ti ëyerst xans woos tuu kriist fer iwer ti hofnung se xprëche!

• Was fer kuute aatere mise kepreetich këpe?

• Wii tuun Yeehoowa sayn Tsayer ti methoote fon Yeesus in te preetich noo mache?