Kɛ Zizɛ e to gapiaa a gee: “Oo lo wɔ̃laũ yie e ke, lɛ a gbɛ̃ɛ lɛ Wal la tomiala mɔɔ, gee loũ ka sɛlɛ seĩ yi, kɛ e kɛ kela ka sɛlɛ seĩ seĩ yimia wɛlɛ mɔ. Ye aa kɛ kilia, wɔ̃ leĩ-to-luo aa nu gbaa.” (Mafiu 24:14) Kɛɛ zi kpɛɛ lɛ o lo wɔ̃ laũa gee a ka kpoula lɛ seĩ mɔ? Ye kɔaa to wɔ̃ gɔ̃a lɛ Zizɛ a zɔ̃ɔ̃ɔ pie, lɛ e kɛ kpoula zeea kaa ka.​—Luu 8:1.

Koo dɔ gaga ko ɓɔ mia mɔ o pie kale mɔ. Zizɛ e yɛɓoa kɛzi zɔ̃ɔ̃ la toapiemia lɛɛ kɛɛ o wɔ̃ laũ yiea gee mia lɛɛ kɛi pie deĩ le. (Mafiu 10:11-13; Apɔsɔlɔ 5:42; 20:20) Wɔ̃ laũ yie geemia lɛ o kɛ mɔ zeea, o lɛ kpokpo lɛ e kɛa mɔ o Wala Lewea gee yia zɔ̃ɔ̃ o lɛɛ. (Mafiu 10:5, 6; 2 Kɔleĩtĩa 10:13) Zi nɔ dooa lɛ lɛ a ka pɛnɛɛ. Lɛ nukielaa e lo wɔ̃ laũ yie geee yi deĩ lea nɔɔ lɛ o lɛɛ. A kɛ kili laa kɛ kɔaa to wɔ̃ Zizɛ a geea pie kelɛ “ko wɔ̃laũ yiea gee mia lɛɛ loũ ka, ɛ̃ɛ̃ zeĩ ko kelawe ɓo.”—Apɔsɔlɔ 10:42.

Koo dɔ gaga kó ɓɔ mia mɔ lɛ nɔɔfe ko bɛi o gɛ̃ɛ̃ yia mɔ. Zizɛ e wɔ̃ laũ yie gee zia gɔ̃a to ko lɛɛ. E wɔ̃ laũ yie gee mia lɛɛ lɛ seĩ mɔ, lɛɛ do lɛ e kelɛ yiipũaa sɔnɔ wa yii sipia ni kaa. (Maa 4:1; Zɔ̃ɔ̃ 4:5-15) Ko bɛ̃ɛ̃ koo wɔ̃ gee mia lɛɛ Baaboa yi lɛ nɔɔfe lɛ kò o gɛ̃ yia lɛ mɔ. A do lɛ e kelɛ kpĩi pie, lɔ́ɔ dɔpia, nyɛnɛi wa kpãã kɔɛi ni ɛ̃ɛ̃ kaa sipia ni kaa. Ii bɛi a gee fɔ̃ɔ̃ la. Koo wɔ̃ laũ yiea gee zeĩ ko yasɔnɔmia, ko ɓɛĩ yɛɓo kɛmia, e bɛi, ko ɓɛĩ kii kɛimia, wa ko ɓɛ́ɛ yemia ni lɛɛ ye luo aa kɛ ko kɛlɛɛ ka. Kɔ kaa kie la yɛɓo e kea, aa kɛ mia lɛɛkɔɛi bunuzɛ waa “wɔ̃laũ yie lɛ e nu laɓo” kaa ma kpoula lɛ seĩ mɔ.​—Ifísɔ̃ 1:13.

Ii bɛi wɔ̃ laũ yie lɛ a gbɛ̃ɛ̃ lɛ Wala la Tomiala mɔɔ wa wɔ̃ yieyie lɛ e go a kololaa geee i pie kɛimia, i ɓɛĩ ni wa mi nɔɔfe lɛ ɓa dɔɔ lɛɛ? Yekɛ i wevɔwe lɛ e nu zokɛpɛmɔ kaa la bĩĩ. I a gee mia lɛɛ zale!

• “Wɔ̃ laũ yie” kpɛɛ lɛ laa mɔ ko gee?

• Zi kpɛɛ lɛ Zihova la Kela vɔ o topie a ka Zizɛ zi wɔ̃ laũ yie gee kɔɔ kpaa yi?