I te tafapili ki tona maliu, na fakaleo atu ai e Iehu: “Ma ko te Tala Lelei tēnei e uiga ki te Mālō o te Atua, ka tālaki atu ki te ­lalolagi kātoa ke fai ma fakamāoniga ki mālō uma oi fātoā pa mai ai loa te gataaga.” (Mataio 24:14) Kae kā fakataunuku vēhea te galuega tālaki i te lalolagi kātoa? Mai te mulimui atu ki te fakatakitakiga na fōki mai e Iehu i te taimi nae ola ai ia i te lalolagi.​—Luka 8:1.

E taumafai ki matou ke fehokotaki atu ki nā tino i o latou nofoaga. Na koleni e Iehu ona hoko ke tālaki te tala lelei mai tēia fale ki tēia fale. (Mataio 10:​11-​13; Galuega 5:​42; 20:20) Ko nā tino tālaki i te henituli muamua na tōfia ni atunuku fakapitoa ke tālaki ki ei. (Mataio 10:​5, 6; 2 Kolinito 10:13) E vē ko nā aho nei, ko te matou galuega tālaki e fakamaopoopo lelei, ma tufa atu ki nā fakapotopotoga nā kogāmea ke tālaki ai. Kua mafai oi fakataunuku e ki matou te fakatonuga mai Iehu ke “tālaki te Tala Lelei ki tagata, ma ke molimau.”​—Galuega 10:42.

E taumafai ki matou ke pa atu ki nā tino i hō he koga e maua ai. Na fakatātia e Iehu te fakatakitakiga i te tālaki ki nā tino i nā nofoaga mo tagata uma, e vē ko te matafaga pe ko he nuku foki. (Maleko 4:1; Ioane 4:​5-​15) E fai foki ni ā matou talanoaga ma nā tino e uiga ki te Tuhi Paia i hō he nofoaga​—i te auala, i nā nofoaga pihinihi, i nā paka, pe ko te telefoni. Ko ki matou foki e tālaki ki o matou tuakoi, ma tino i te galuega, nā tino i te ākoga, fakatahi ma kāiga i nā avanoa e fetaui. Ko nā taumafaiga faifakatahi iēnei e mafai ai oi fakalogo te fia miliona o tagata i te lalolagi kātoa ki te “tālaki atu tana fakaolataga.”​—Halamo 96:2.

Pe mafai oi mafaufau koe ki he tino mahani e fiafia koe oi tufa atu te tala lelei o te Mālō o te Atua fakatahi ma te uiga o te tala fou mo to latou lumanaki? Nahe taofi e koe te fekau fakamoemoe tēnei ki a te koe lava. Taumafai ke tufa atu ki a te ki latou i he vaitaimi tafapili mai!

• He ā te “tala lelei” e tatau ke folafola atu?

• E mulimuli atu vēhea ia Molimau a Ieova ki te fakatakitakiga a Iehu mo te tālakiga?