A lé lèè nzèè meung-è gha’ éfœu’ tè Yésso a kwheu, a leu nguè: “Mè la’ pheu nkeu mbông wouô yi é tchiité Lefô Ndem a nteu ngông ntseum tè épouô nkwa méla’ é pou njou’, nzôkô é ping shi’.” (Matthieu 24:14) Tè mè ghô ghaa té nda’ mbheu mbông nkeu Lefô mèt a nteu ngông ntseum? Nda’ yi mè zing anè éfœu’ zi Yésso a lé yè yimpè pa’ a lé zèè a ndoo éssi atsetsa’.​—Luc 8:1.

Mpeukè fa’ méshheu a lékuèté épouô a mbaa pôp. Yésso a lé pèté méghangto pi a légheuô a ménguia ménguia mbheu mbông nkeu Lefô. (Matthieu 10:11-13; Actes 5:42; 20:20) A lè anè mvhô ngou’ nkhœu, épô mémia é tswhi ngwè émô’ mépak ala’ émi pô lé pôngtè wôp a légheuô éwou mbheu nkeu Lefô. (Matthieu 10:5, 6; 2 Corinthiens 10:13) Anè aya’a, mpeukè zeung ngheuè zeuk poup; aziè atchou’té lè, a ping ngwè lepfhou ala’ tsi a pheu nkeu Lefô éwou. Mpeukè ghô fhou poup, ngôkô afa’ zi Yésso a lé tseuknè a mbou peuk: ‘A lé pou ntchhinèt mbheu nkeu Lefô mèt a mbou épouô.’​—Actes 10:42.

Mpeukè fa’ méshheu a légheuô a nkwa méji’ mi mè ghô jiô épouô éwou. Yésso a lè ngueô a aji’ zi épouô éwou té nzaané pa’ légheung mia ntshi, mbô a ndou, ndôk ntsui yimpè éfœu’ mbông. (Marc 4:1; Jean 4:5-15) Pa’ Yésso la, mpeukè zeung ngueô a aji’ zi mè jiô épouô éwou té nzaané, éshoung-ô wôp anou anè Biible: a méthou mènzhè, a méji’è assaa mbô a nteu mépark. Mpeukè zeung ndôk mbô atông-ô mveung-è. Éshheu é lè ntoo, mpeukè shoung-né pô méghang nkô’ônguia, pô méssoo afa’ mbô méssoo assikou, nzeung ngheu épouô atseung-è nguia zeuk. Mè lé pou fhô anè méshheu mouô mèt tè épouô mémillion a éji’ tseum a ndoo éssi atsetsa’, é jou’ ‘nkeu mbông yi é yè létsuèt.’​—Psaume 96:2.

O si kông-ô wou a léshoung-ô awô gning ajoumi Lefô Ndem é si ngô aziè, mbô ajoumi é shi’ gheu a mbou yi? Ndè’ o neung té shoung ménkeu mbông mouô mèt a mbou émô’ épouô; lèè nzii a tsetsông-ô a léshoung-ô awôp.

• “Nkeu mbông” yi mpè pôngtè a lépheu, éwuè?

• Ménjheuè-njiô Joovah é fœu’né ntsi zi Yésso a lélôk mbheu nkeu Lefô poup é lèkô?