Ardiiɗo fii ka waajagol ko hikkotooɗo yeeso fii waajagol e nokkuure fii no woɓɓe goo jokkira. Annabi Iisaa hari ko o ardiiɗo fii ka waajagol ɓayri o waajino jamaa on fii no ɓe heɓira moƴƴere janngo (Matta 20:28). Hannde, taalibaaɓe makko ɓen no huutorde saa’i maɓɓe on, ɓe waajo wano o waajornoo non fii wallugol yimɓe ɓen no ɓe jokkira laawol Allah ngol (Matta 28:19, 20). Woɓɓe e maɓɓe ko ardiiɓe fii ka waajagol.

Ko waajotooɗo saa’iji ɗin fow. Seedeeɓe Yahuwah ɓen fow ko waajotooɓe kibaaru moƴƴo on. Woɓɓe e maɓɓe ko waajotooɓe fii saa’iji ɗin fow. Hiɓe waajaade fii leereeji 70 e nder lewru kala. Fii waɗugol ɗun, ɓe gollataa buy fii no ɓe heɓira feere mun. Woɓɓe goo ko waajotooɓe nokkeeli ɗin fow. Hiɓe naɓaa e ca’e ka waajotooɓe ɗuuɗa. Ɓe waɗay leereeji 130 e nder lewru kala. Hiɓe wuura ngurnɗan melenjan ɓayri hiɓe hooli Yahuwah okkay ɓe beru ko haani (Matta 6:31-33 ; 1 Timotee 6:6-8). Ɓee ɓe alaa feere waɗugol ɗun, wonay waajotooɓe fii saa’ihun. Ɓe waɗay leereeji 30 maa 50 e nder lewru.

Ko giggol maɓɓe fii Allah e fii ɗimmooɓe maɓɓe. Wano annabi Iisaa, meɗen anndi buy no haani anndugol Allah hannde (Markuusa 6:34). Kono ko men janngi kon waaway wallude yimɓe hannde, okka ɓe tanƴinaare fii ko aroyta. Ko giggol fii ɗimmooɓe maɓɓe ɓen wallata ardiiɓe ɓen fii ka waajagol no ɓe huutora saa’i maɓɓe on e doole maɓɓe ɗen fii waɗugol faale Allah on (Matta 22:39 ; 1 Tesalonii 2:8). Ko ɗun ɲiiɓinta gomɗinal maɓɓe ngal, ɓe ɓurta ɓadaade Allah e ɓe heɓa weltaare. — Kuuɗe sahaabaaɓe ɓen 20:35.

• Ko honno tinndinirton fii ardiiɗo fii ka waajagol ?

• Ko honɗun waɗata goɗɗo faalee wonugol ardiiɗo fii ka waajagol ?