LYNNONG 13
Ki Pioneer ki Dei Kiei?
Canada
Na ka ïing sha ka ïing
Jingpule Baibl
Jingpule marwei
Ka kyntien “pioneer” bunsien ka thew ïa kito kiba leit sha ki jaka bathymmai bad kiba lam lynti ïa kiwei ba kin bud. U Jisu u long kum u Pioneer, ïa uba la phah sha ka pyrthei ban trei ïa ka kam ïalap kaba ai jingim bad kaba ailad ïa ki briew ban ïoh jingpynim. (Mathaios 20:28) Mynta, ki nongbud jong u ki pyrthuh bud ïa u da kaba pynlut por katba lah ban “pynlong synran.” (Mathaios 28:19, 20) Katto katne ngut ki la lah ban trei ïa kane ka kam kum ki pioneer.
Ki pioneer ki dei kito kiba trei pura ïa ka kam ïalap. Baroh ki Nongsakhi U Jehobah ki dei ki nongïalap ïa ka khubor babha. Hynrei da kaba pynbeit ryntih ïa la ka jingim, don kiba la lah ban ai 70 kynta shibnai ban shakri kum ki pioneer batista ha ka kam ïalap. Ban leh ïa kane, ha ka jaka ban kamai baroh shisngi bun ki trei tang katto katne kynta. Ïa kiwei pat la jied ban shakri kum ki pioneer bakyrpang ha kaba la ju phah ïa ki ban ïalap sha ki jaka kiba donkam kham bun ki nongïalap ïa ka Hima. Kine ki ju ïalap haduh 130 kynta ne tam ha ka shibnai. Ki pioneer ki hun ban im ka jingim kaba lehrit, ki ngeit skhem ba U Jehobah un pynbiang ïa ki jingdonkam jong ki ba man la ka sngi. (Mathaios 6:31-33; 1 Timothi 6:6-8) Kito ki bymlah ban trei pura ïa ka kam ïalap ki lah ban shakri kum ki pioneer bakyrshan ha ka por ba ki lah, da kaba kyntiew ïa ka kam ïalap jong ki sha ka 30 ne 50 kynta ha ka shibnai.
Ka jingieid ïa U Blei bad ïa ki briew ka pynlong ïa ki ban trei kum ki pioneer. Kum u Jisu, ngi ïohi ba bun ki donkam bha ban tip shaphang U Blei bad ki jingthmu jong u. (Markos 6:34) Hynrei ngi don ka jingtip kaba lah ban ïarap ïa ki mynta, ban ai ïa ki ka jingkyrmen ba paka na ka bynta ka lawei. Ka jingieid ïa ki briew ka pynlong ïa ki pioneer ban ai kylluid ïa la ka por bad ka bor ban ïarap ïa kiwei ban tip ïa ka khubor babha. (Mathaios 22:39; 1 Thessaloni 2:8) Kane ka kam ka pynskhem ïa ka jingngeit jong ki, ki kham jan sha U Blei bad ki ïoh jingsuk kyrhai.—Kam 20:35.
-
Kumno phin batai shaphang ki pioneer?
-
Kaei kaba pynlong ïa ki katto katne ban trei pura kum ki pioneer?
