TIMOKO TIA 13
M’pasuri-nzila ninani e?
Canada
Nzo na nzo
Ndongokolo ya Bibila
Ndongokolo ya ngebeni
Nzoza ya “m’pasuri-nzila” ebu yivuluzolotaka muntu wa ntente wele mona mbuka ya mona mpe zuburi nzila yilanda bantu bakaka ha manima. Yezu mpe m’pasuri-nzila yaba mu bungu ti Nzambi wamutambika ha m’toto mu sala salu tsimoshi tsi vukisa bantu mpe mu zubula nzila ya mvukulu. (Matie 20:28) Lumbu tsi mpe, milongoki miandi tsifwani tsiandi balandaka mu yokesa ntangu ya yingi mu ‘vanga milongoki.’ (Matie 28:19, 20) Bakaka balenda mu sala salu tsi batele nkumbu m’pasuri-nzila.
M’pasuri-nzila wena muntu wo samunaka ntangu zazansoni. Mbangi za Yehova zazansoni nsamuni za nsangu zambote zena. Kâ bakaka bakubika luzíngu lwawu mu ba m’pasuri-nzila za ntangu zazansoni, mpe bilokola 70 mu ngonda bayokesaka mu salu tsia samuna. Mu sarila bwawubo, babingi batambulaka kwa salu tsio tsilombo badiaka ntangu yayingi. Bakaka basololo mu ba m’pasuri-nzila za zinene ku mbuka zo ze na nsatu ya yingi ya nsamuni za nsangu za Kimfumu. Bilokola 130 peleko yike bayokesaka kontso ngonda mu salu tsia samuna. M’pasuri-nzila ka zitombaka bima bia bingibingi ko mu luzíngu lwawu bungu tsi Yehova bashilaka ntima ti mbokabahana biabiansoni bio bie mfunu mu luzíngu lwawu. (Matie 6:31-33; 1 Timote 6:6-8) Bo balenda lombo ba m’pasuri-nzila za ntangu zazansoni balenda ba mpasuri-nzila tsibakishi, bo tsi balendele. Balenda nakisaka ntangu’awu ya samuna tii 30 peleko 50 mu ngonda.
Mpasuri-nzila luzolo lwa Nzàmbi mpe lwa bantu lwe n’andi. Ntsiana bweri monaka Yezu, beto mpe ebu tutamona ti bantu babingi bafwanakane ngâ baba na tsiwisa na Nzambi (Marke 6:34) Kântsio beto twena na nzayulu yilenda kubabakisa bwawubu mpe yilenda bahana nkatsika tsivuvu mu bungu dia bilumbu bia kumatu. Luzolo lwa bampwanandi lutumaka mpasuri-nzila mu hana ntangu ya yingi mpe ngolo zazingi mu babakisa mu zaba Nzambi. (Matie 22:39; 1 Bisi-Tesalonike 2:8) Mu sarilaka bwawubo, tsiminu tsia mpasuri-nzila tsinda tsitsindaka, mbo kavutu tomo pusana kwe Nzambi, mpe mbo kaba na kiese kia kingi.—Bisalu 20:35.
-
Mpasuri-nzila ntsia mpila muntu wena e?
-
Ntsi bitumaka bakaka mu sala salu tsia m’pasuri nzila e?
