“Payonia” eyi ’ba oko mupi pari e’yo oluzu o’dini ma alea ’ba azi ’diyi ni eri ma vuti bizu ndo ’diyi. Yesu ni ndra payonia ni a’dusikuni ’ba epe ndra eri ma ti emuzu azi idri fepiri ngazu azini geri pata niri zizu. (Matayo 20:28) Curu’do, ’ba eri ma vuti bipi ’diyi ki eri ma pamvu obi a’dusikuni eyi sawa eyini ma ndepi ni ri ayu ‘’baki ojazu’ ecazu ’ba eri ma vuti bipi ’diyi ru. (Matayo 28:19, 20) Eyi ma azi kakau ecaki payonia ru.

Payonia eri agu e’yo bari olupi o’du driasi ri. ’Ba Yehova ma E’yo Eti Nzepi ’Diyi dria e’yo baru ri olu. Te eyi ma azi kakau soki oyo idri eyini ma alea azi ngazu payonia e’yo olupi mba driasi sawa 70 ri ru. Ecozu ’diri ’yezu kilili, eyi di sawa eyini azi ndundu ’diyi ngazu ri awa esele iri si. Eyi ma azi kakau ecaki di vini payonia e’yo olupi mba driasi sawa 130 ri ru. ’Ba payonia ru ’diyi apiki afa eyini ovuzu idri eyini ma alea ’diyi kisi ra, azini ’baki asi eyini Yehova ma dria ecozu afa eyi ni le idri ma alea riki isuzu. (Matayo 6:31-33; 1 Timoteo 6:6-8) ’Ba ecopi ovupi payonia ru mba driasi ku ri eco vini fomu ofi ecazu payonia e’yo olupi sawa 30 kaniku 50 ri ru mba erini ecozu ra ria.

Leta Mungu ni lezu ’ba ada be ri ni fe agu azi ni ecazu payonia ru ni. Ekile ndra Yesu dri rile, aneki ava ’ba kakau ni lezu e’yo ada Mungu ma dria ri nizu asisile erini ri be ri ra. (Marako 6:34) Te ama ovuki nita ecopi eyi ma aza kopi sawa ’disi azini asi ’baza fepi eyini ewu drusi ri ma dria ri be. Leta ’ba azi ’diyi ki lezu ri ni di fe payonia ni sawa azini okpo erini ayu ’ba kakau ma aza kozu e’yo baru ri nizu. (Matayo 22:39; 1 ’Ba Tesalonikia ’Diyi 2:8) Erini ’yezu ’dinile risi, payonia ni eca ayikosi a’ita be okporu, dika eri di i esi Mungu vu enyia ogogo.—’Yeta 20:35.

• Mi eco payonia ni agu ngole ri i’ari ece ngoni?

• Afa fepi ’ba azi ’diyi ni ecazu payonia e’yo olupi mba dria siri ru ri a’du afa ni ya?