Tʼahdoo hoolsééhgi łaʼda alą́ąjįʼ naʼałkah, áádóó ákóneʼ łaʼ bikééʼ ahidookah biniyé honítiʼgo yá aa áyiiłʼįįh, éí “alą́ąjįʼ oołkahii” wolyé. Ákótʼéego Jesus nahasdzáán bikáajįʼ abiʼdoolʼaʼgo iiná doo ninítʼiʼii baa haneʼgo binaanish áyiilaa, áko yisdáʼiildéehjįʼ nihá aa áyiilaa. (Matthew 20:28) Dííshjı̨́įdi Jesus bikééʼ deiyíkááhígíí tʼáá ákótʼéego bedaalʼı̨́įgo diné “ídahoołʼaahii danilı̨́įgo” ádeileʼgo yideiyílníísh. (Matthew 28:19, 20) Łaʼ bá dabííghah ládą́ą́ʼ alą́ąjįʼ nahaneʼ biʼoonish wolyéhígíí bindaanishgo ádeileʼ.

Alą́ąjįʼ nahalneʼii éí nahaneʼígíí áłtsé binaanish ííłʼı̨́. Tʼááʼałtso Jiihóvah Yá Dahalneʼé nizhónígo haneʼígíí diné yił nidahalneʼ. Łaʼ tʼáá náhidizííd bikʼeh 70 bíighahdi ahéédaʼiiłkeedgo ndahalneʼ doo biniyé yá hashtʼedadiʼneʼ. Díí éí regular pioneers daolyé. Ákótʼéego atah nahashneʼ doo danízinígíí éí béeso biniyé naʼanishígíí tʼóó kónígháníjįʼ yá ninádaalnish. God biNahatʼaʼ yaa dahalneʼii tʼáá yéigo bídin dahóyééʼgóó special pioneers daolyéhígíí adabiʼdiilʼaah. Éí tʼáá náhidizííd bikʼeh 130 dóó baʼaan ahéédaʼiiłkeedgo ndahalneʼ. Díí alą́ąjįʼ nidahalneʼígíí bibee daʼiinaʼ tʼóó bikiinígo nideesłáh, bídin dahóyééʼígíí éí Jiihóvah yadaʼólíigo bíká análwoʼ. (Matthew 6:31-33; Hebrews 13:5) Łaʼ díí alą́ąjįʼ nahaneʼ doo bá dabííghah daaígíí, éí nínádíziʼjįʼ 30 doodaiiʼ 50 ahénínáʼálkiʼgo nahaneʼígíí bá ahóótʼiʼgo átʼé. Díí éí auxiliary pioneers wolyé.

Alą́ąjįʼ nahalneʼii éí God dóó diné ayóíʼáyóʼnínígíí binahjįʼ nahalneʼ. Jesus yaa ákoniizı̨́ı̨́ʼ yę́ęgi átʼéego, dííshjı̨́įdi tʼóóʼahayóí diné diyin kʼehgo oodááłígíí yéigo yídin danilı̨́įgo baa ákodaniidzin. (Mark 6:34) Áko kʼad díí bídį hódlínígíí diné bee bíká adiilwołgo nihílákʼee silá, neeʼnijįʼ bihoníłdzilgo chohooʼínígíí bílákʼediilyéełgo átʼé. Diné ayóíʼáyóʼnínígíí binahjįʼ alą́ąjįʼ nahalneʼii bił hózhǫ́ǫgo nahaneʼ yá náhoołʼaahgo diyin kʼehgo neinitin. (Matthew 22:39; 1 Thessalonians 2:8) Díí binahjįʼ alą́ąjįʼ nahalneʼii tʼáá bí bibee oodląʼ bidziilgo áyiiłʼįįh, God áhą́dígo yił ádéíhoolzįįh, áádóó bił hózhǫ́ǫgo yigááł łeh.​—Acts 20:35.

• Alą́ąjįʼ nahalneʼígííshąʼ haitʼéego baa haneʼgo baa íhwiiniłʼą́ą́ʼ?

• Haʼátʼíísh binahjįʼ łaʼ alą́ąjįʼ nahalneʼígíí áłtsé éí bindaanishgo ádeileʼ?