Precursor shimiga ninmi urcu sachara ñaupa punda ñambisha pushaj. Jesús precursor cuinta aca. Pai cai Allpama shamusha quishpirina ñambira ricuchisha saquica (Mateo 20:28). Shinallara cunan punzhaunai quishpirina ñambira ricuchisha tucui runaunara yachachinchi (Mateo 28:​19, 20). Huaquingunaga, precursorguna tucusha Yaya Diosta mas sirvingaj callarinushca.

Bibliamanda ashca timpu yachachisha purij. Tucui Jehovahuaj testigogunaga Diospa Shimimanda rimanchi. Shinajpis huaquingunaga caran quilla 70 horas yachachingahua precursores regulares nishca tucunushca. Chita pactachingahua huaquingunaga caran semanai huaquin punzhaunalla tarbanun. Huaquinguna ajllashca anun precursores especiales nishca tucunuchu, paiguna shu llactama cachashcami anun, caran quilla 130 horas Bibliamanda yachachingahua. Precursorgunaga charij tucuna randimanda, Jehová Diosta mas sirvingaj munanun (Mateo 6:31-33; 1 Timoteo 6:6-8). Precursores regulares, precursores especiales nishcauna mana tucungaj ushashaga, randi precursores auxiliares nishca tucungaj ushanun. Paigunaga 50 horas mana ushasha 30 horaslla caran quilla yachachinun.

Yaya Diosta, runaunaras llaquishcamanda precursorguna tucunun. Jesús cuinta riparanchi, runauna turmindushua causarianun (Marcos 6:34). Chiraigu ñucanchi Diospa Shimira ricsishcamanda turmindushua causaj runaunara Bibliahua yanapanchi cushi tucunuchu, ali causanuchu cunan punzha, shamuj punzhaunas. Runaunara llaquishcamandami, precursorga Bibliamanda yachachisha purin (Mateo 22:39; 1 Tesalonicenses 2:8). Diospa Shimimanda yachachisha cushi cushi causanun, shinallara Yaya Diospi mas quirinun (Rashcauna [Hechos] 20:35).

• Precursorga ¿imara an?

• Precursorgunaga ¿imarasha ashca timpu yachachisha purinun?