Precursor ninanqa runapa mana purisqan montepi qepan riqkunapaq ñanta kichaq ninanmi. Jesuspas precursor hinam kay Pachaman hamuspan ñanta kichaq hina salvacionmanta willakuyta qallarirqa (Mateo 20:28). Kunanpas payta qatipakuspam tiempochakuniku Jesuspa qatiqninkuna kanankupaq hukkunata yanapaypi (Mateo 28:19, 20). Chaymi wakinniykuqa kallpanchakuniku precursor kanaykupaq.

Tukuy tiemponkuwan Dios serviqkunatam. Jehová Diospa testigonkunaqa allin noticiamantam llapayku willakuniku. Wakinmi ichaqa tanteakunku precursor regular kanankupaq, paykunaqa 70 horatam sapa killa predicanku. Chaymi wakinqa llamkanku parte punchawlla. Wakinñataqmi precursor especial kanankupaq akllasqa kanku, paykunam rinku Testigokunapa mana ancha kasqan llaqtakunaman. Sapa killam 130 horata otaq masta predicanku. Paykunaqa kapuqllankuwanmi kawsakunku, imapas pisipuqninta Jehová Dios qosqanpim confianku (Mateo 6:31-33; 1 Timoteo 6:6-8). Precursor regular otaq precursor especial kayta mana atiqkunaqa precursor auxiliar kaytam atinmanku, paykunaqa 30 otaq 50 horatam sapa killa predicanku.

Kuyakuyninkum kallpanchan precursor kanankupaq. Jesus hinam cuentata qokuniku runakunaqa Diosmanta karunchakusqankurayku sasachakuypi kasqankuta (Marcos 6:34). Ichaqa Bibliamanta yachasqaykum yanapanman kay tiempopi chaynataq hamuq tiempopipas suyakuyniyoq kanankupaq. Runamasinta kuyasqanmi precursorkunata kallpanchan tiemponkutawan kallpankuta servichikuspa Diosmanta yachachinankupaq (Mateo 22:39; 1 Tesalonicenses 2:8). Chayna rurasqankum paykunatapas kallpanchan iñiyninkupi chaynataq Dioswan amistadninkupipas, chaywanmi kusisqa kawsakunku (Hechos 20:35).

• ¿Pitam niniku precursor nispa?

• ¿Imataq wakinta kallpanchan precursor kanankupaq?