Precursorcunaca ima horapash Diosmanda na villashca llactacunapi shujcunapash villachunmi, ñanda pascashpa ñaupanshna chai llactacunapi villachin. Jesuspash cai Alpa­pi sirvishpa shujcuna salvarichun ñanda pascangapami shamurca (Mateo 20:28). Jesuspa ejemplota catishpami ñucanchi tiempota utilizashpa shujcunata yachachinchi, paicunapash Jesusta catijcuna tucuchun (Mateo 28:​19, 20). Shuj huauquicunaca precursorcunami tucushca.

Ashtahuan tiempotami villan. Gulpi testigo de Jehovacunami ali villaicunataca villachipanchi. Shinapash shujcunaca huaquin punllacunatalla trabajangapaj arreglocunata rurashpami cada quilla 70 horascunata villachin. Paicunami precursor regularcuna can. Cutin huaquingunataca ashtahuan villajcuna minishtirishca llactacunapi cada quilla 130 ó ashtahuan horascunata villachichunmi agllan. Paicunaca precursor especialcunami can. Precursorcunaca Jehová Dios ayudanata confiashpami, minishtirishca cosascunahuanlla causan (Mateo 6:​31-33; 1 Timoteo 6:​6-8). Pimi precursor regular o especial na tucuita ushashpaca, huaquin quillacunata 30 ó 50 horascunatami villachi ushan. Paicunaca precursor auxiliarcunami can.

Diostapash gentecunatapash juyaimandami precursor tucun. Jesús shinami ñucanchipash ricunchi gentecuna ninanda Diosmanda yachajungapaj munajta (Marcos 6:34). Jipa punllacunapi ali causaigu tianata uyachishpami, cunanllata cushilla causachun ayudai ushapanchi. Precursorcunaca gentecunata juyaimandami paicunapa tiempota, fuerzatapash utilizan Diosmanda yachachingapaj (Mateo 22:39; 1 Tesalonicenses 2:8). Shina rurashpami Diospa alipacha amigo cashpa, feta shinlliyachishpa cushilla causan (Hechos 20:35).

• Precursor nishpaca ¿imatata ninajunchi?

• ¿Imamandata huaquingunaca precursorcuna tucun?