И дума „пионери“ често използвинел пес околенге, колато жан ко неве териториес, те раздикхен лен тай те путерен о дром аверенге палал песте. Е Исусеске ащи те пхенас, кай сине пионери, соскето уло бичшалдо ки пхув, за те керел животоспасяващо дейност тай те путерел о дром карик о спасение. (Матей 20:28) Авдиес лескере последователя подражинен леске, като отделинен кизом ащи по–бут пере времестар, за те ‘керен ученикиен’. (Матей 28:19, 20) Десавен иси и възможност те участвинен анди служба, която пхенел пес пионерско служба.

О пионери си целодневно проповедники. Саворе Свидетеля е Йеховаскере си вестителя тай проповединен и лачши новина. Ама десаве лендар урединде по животос чука, кай те служинен сар редовна пионеря. Он проповединен 70 сахакя секо масек. За те керен давкха, бут пионеря керен по–хари светско бути. Авер си избириме те служинен сар специална пионеря тханенде, кате иси по–бари нужда Тхагарипнаскере проповедникиендар. Он секо масек проповединен 130 сахакя или по–бут. О пионеря си готова те живинен скромно, соскето си уверена, кай о Йехова ка грижинел пес ленге. (Матей 6:31–33; 1 Тимотей 6:6–8) Далкха, колато нащи те служинен сар пионеря целодневно, ащи те служинен сар помощна пионеря, като проповединен 30 или 50 сахакя андо масек.

Всичко со керел йекх пионери си подбудиме тари любов карик о Дел тай карик о мануша. Сарто о Исус, аме–да дикхас, кай буте манушен иси бари нужда те пенжарен е Девлес тай те ахальовен саве си лескере намерения. (Марко 6:34) Ама амен иси познание, ковато ащи те помагинел ленге панда авдиес тай те дел лен сигурно надежда. И любов карик о ближно традел е пионериен те ден щедро пе времестар тай пе силендар, за те помагинен духовно е аверенге. (Матей 22:39; 1 Солунци 2:8) Като керен давкха, ленгери вяра ачшол по–силно, приближинен пес жи ко Дел тай изпитинен баро щастие. (Деяния 20:35)

• Ащи ли те обяснинес со си пионери?

• Со традел десаве пхрален тай пхениен те участвинен целодневно анди проповедно служба?