Η λέξη «σκαπανέας» βακερένα-λα οντουλένγκε σο ρόντενα νεβέ τθανά ντα πουτρένα ο ντρομ για τι ακολουθίνεν ο γιαβερά-ντα. Ο Ιησούς ισινέ βοβ-ντα σαρ σκαπανέας αφού μπουτσσάντιλο κι πφουβ για τι ντελ ελπίδα κο τζενέ ντα τι πουτρέλ ο ντρομ για τι τζουβντιόν για πάντα. (Ματθαίος 20:28) Αντιβές, οντουλά σο μανγκένα τι ακολουθίνεν ο παράδειγμας ι Ιησούσκο κερένα-λες βον-ντα ανταβά, ντα αρακχένα χρόνος για τι σικλιαρέν γιαβερέ-ντα τζενέν. (Ματθαίος 28:19, 20) Μερικά τζενέ μπορίνενα τι κερέν οντουβά σο βακεράσα αμέν σκαπανικός.

Σαρό ο μπρες ο σκαπανέας κερέλα λάφι ι Ντεβλέσκε. Σαρέ ο Μάρτυρες του Ιεχωβά κερένα λάφι ι Ντεβλέσκε. Αλλά μερικοί τσσουντέ πουμαρί ζωή σε εκ σειράς για τι μπορίνεν τι αβέν τακτικοί σκαπανείς, ντα τι βακερέν ο λατσσέ αμπέρια 70 σαάτια κο μάσεκ. Για τι κερέν-λες ανταβά, ο πιο μπουτ αρακχένα μπουτί σο να λέλα λένταρ μπουτ χρόνος. Γιαβερέν τραμπίνενα-λεν σαρ ειδικοί σκαπανείς, μπουτσσαβένα-λεν οτθέ σο ισί πιο μπαρί η ανάγκη τι ασουνέν ο τζενέ ο λατσσέ αμπέρια ι Βασιλειάκε ντα κερένα λάφι ι Ντεβλέσκε 130 ή ατζέ πιο μπουτ σαάτια κο μάσεκ. Ο σκαπανείς ισί ευχαριστιμέ σο τθερένα εκ απλή ζωή, επειδή ισί σίγουροι ότι ο Ιεχωβά κα ντελ-λεν οντουλά σο τθερένα ανάγκη. (Ματθαίος 6:31-33· 1 Τιμόθεο 6:6-8) Οντουλά σο να μπορίνενα τι αβέν σαρό ο μπρες σκαπανείς τθερένα ι ευκαιρία τι αβέν βοηθητικοί σκαπανείς αζομάν σο μπορίνενα, για τι κερέν πιο μπουτ λάφι ι Ντεβλέσκε, 30 ή 50 σαάτια κο μάσεκ.

Ο σκαπανέας κερέλα πράγματα επειδή τθερέλα αγάπη ι Ντεβλέσκε ντα ι τζενένγκε. Σαρ ο Ιησούς, αντικάς αμέν-ντα ντικχάσα ότι ο τζενέ τθερένα μπουτ μπαρί ανάγκη τι σικλιόν ι Ντεβλέσκε ντα οντουλένγκε σο κα κερέλ Βοβ. (Μάρκος 6:34) Αμέν, όμως, σικλιλάμ πράγματα σο μπορίνενα τι βοηθίνεν σουγκό ι τζενέν ντα τι ντεν-λεν εκ σίγουρη ελπίδα σο κα τθερέν-λα ανγκλά-πουμέντε. Η αγάπη σο τθερέλα ο σκαπανέας ι γιαβερένγκε κερέλα-λες τι ντελ αντράλ πι γκίσταρ πο χρόνος ντα πο δυνάμεις για τι βοηθίνελ ι γιαβερέν τι αβέν πιστοί. (Ματθαίος 22:39· 1 Θεσσαλονικείς 2:8) Αντικάς, ο σκαπανέας ντικχέλα πι πίστη τι αβέλ πιο ζουρανί, πλησιάνελα πιο μπουτ ι Ντεβλές ντα νιωθίνελα μπουτ ευτυχισμέ.—Πράξεις 20:35.

• Σαρ κα εξηγίνενας σο ισί σκαπανέας;

• Σόσκε αβένα μερικά τζενέ σαρό ο μπρες σκαπανείς;