Mè ghé tông-ô gning é lè “Ngnha’-nzhè” ndôkô ndeuè a gning yi a zii yi légheuè azou mbing nguiè éshheu a mbou émô’ épouô a légheuè zôp poup. Mè ghô leu nguè Yésso a lè ngnha’-nzhè, mela’mi Ndem a lé touô yi a ndoo éssi atsetsa’ nguè a pheu nkeu létsuèt ndôk nguiè éshheu a mbou épouô ménông a léshi’ ntsuèt. (Matthieu 20:28) Anè mélé’é ala’ mouô, mézingto Yésso é nông ndôkô njheu zôp “éfa’a émô’ mézingto,” ndôkô fœu’nè yi. (Matthieu 28:19, 20) Émô’ épouô é nguia atchou’té pi é lé kou’ô wôp a léshan afa’ ngnha’-nzhè.

A si ngô a gning yi, a pheu nkeu Lefô éfœu’ métseum. Nkwa Ménjheuè-njiô é pheu nkeu Lefô. Tè, émô’ épouô é lé pèté nèt a léghô méngnha’-nzhè nkwa éfœu’ ndôkô ndeuè a lépheu nkeu Lefô tsôô méhawa 70 anè sang. Pô lèè ngôk épô méfa’ té ndôk nkou’ô wôp a légheu poup. Mè ping ntoo émô’ épouô pa’ méngnha’-nzhè pi é tswhi ntsi a aji’ zi wô pheu nkeu Lefô é si nking-è éwou, pô ping mbheu nkeu Lefô tsôô méhawa 130 anè sang. Méngnha’-nzhè é lèè ngôk a meung-è gha’ afa’ zi a kuitè wôp a lénang nkou’né-kou’né, pô ping nzhè té mi’té nguè Joovah a yè métsoo mi é si nking-è a mbou pôp. (Matthieu 6:31-33; 1 Timothée 6:6-8) Épouô pi é ghô lé kou’ô wôp a léghô méngnha’-nzhè té tsô’ô éfœu’è, é ghô ghô méngnha’-nzhè anè môô éfœu’, mbing mbheu nkeu Lefô tè é ghô méhawa 30 kèè 50 lè anè sang.

A si ngô a gning yi, a kông-ô Ndem nzeung nkông épouô ménông. Pa’ Yésso la, mpeukè si njiô zeuk nguè épouô té nzaa é si nkông-ô wôp a lézhè kwa’ Ndem. (Marc 6:34) Tè, ajoumi mpeukè zhè, a ghô zii aya’a a lékuitè wôp mbing ngheu tè pô sang anè mélé’é mbông mi é si shi’è. Nkông-né zi ngnha’-nzhè a wè a mbou épouô ménông, mè tshounè yi a lé pou ndôk njheu zi mbô éteue yi nkuité épouô a lézhè mbông nkeu Lefô. (Matthieu 22:39; 1 Thessaloniciens 2:8) Apè zi a jheu, a si ngô a léghè aveung-è nteu zi pô léssoo tsôp Ndem é ku’né nteueté, a ping mbou ngô mé lékak.—Actes 20:35.

• Ngnha’-nzhè a si ngô awô?

• Akô mè tshouné émô’ épouô a léshan afa’ ngnha’-nzhè nkwa éfœu’é?