MALONGI 13

Nani Ǹtwami Ǹtwala wu Kisalu?

TATIKA

Tsi yi Canadá

Mu nzo ka nzo

Baḿvana ndongukulu yi Kibibila

Ndongukulu yi ngye veka

“Ǹtwami ǹtwala,” mutu wuǹtwamanga ǹtwala mu kisalu ki kusamuna mu kimvuka. Tulenda tuba ti Yesu ḿvandi wu ba ǹtwami ǹtwala kisalu wu filwa va ǹtoto mu kusamuna tsangu yi vukisa myela mi batu ayi wuzibula nzila yi phulusu. (Matai 20:28) Bubu miǹlandikini myandi baǹlandakana ǹtungulu Yesu ka bika wu kusamuna ayi kuvanga minlongisi. (Matai 28:19, 20) Bawombo ba kivananga mu kisalu kikusamuna thangu ka thangu.

Ǹtwami ǹtwala wu kisalu, ǹsamuni wu thangu ka thangu. Zimbangi zyonso zi Yave badi miǹsamuni mi zithangu zimboti. Baǹkaka baǹkubamanga mu kusamuna banga miǹtwami ǹtwala mi kisalu, baǹsamunanga 70 li bilokula mu ngonda. Diawu bawombo baǹtombilanga kisalu ki thangu mbata. Baǹkaka baǹsolwanga mu kuba miǹtwami ǹtwala mi kisalu mi filwa mu bibwangu bi lutidi kisalu kikusamuna tsangu zi Kiǹtinu, baǹsamunanga 130 li bilokula mu ngonda. Miǹtwami ǹtwala mi kisalu ba tulanga ko mayindu mu kunata luzingu lukubaka beni, angi baḿfyatilanga ti Yave wala ba kubikila bi baǹtomba. (Matai 6:31-33; 1 Timoteo 6:6-8) Bo ba nkambu lwaku mu kuba miǹtwami ǹtwala mi kisalu ki thangu ka thangu khumbu ziǹkaka balenda sala buka miǹsadisi miǹtwami ǹtwala mi kisalu mu kusamunanga 30 ove 50 li bilokula mu ngonda.

Miǹtwami ǹtwala mi kisalu badi luzolo kwidi Nzambi ayi batu. Buka Yesu, tuǹzabanga tsatu yi kiphevi yi batu bubu. (Malako 6:34) Befu twidi malongi malenda sadisa batu bubu, kubavana dyana diǹsika kuǹtwala. Luzolo lu ǹtwami ǹtwala mu batu, luḿvanganga kasadila thangu ayi mangolo mandi mwingi kazabikisa nsangu zimboti mu baǹkaka. (Matai 22:39; 1 Tesalonika 2:8) Mawu, maǹkindisanga kiminu kyandi, ma kuḿfikikanga kwidi Nzambi ayi ma kuḿbwelanga mayangi.—Mavanga 20:35.

Nani ǹtwami ǹtwala wu kisalu?
Mbi biḿvanganga baǹkaka basala buka miǹtwami ǹtwala mi kisalu thangu ka thangu?

BANANI BAḾVANGANGA LUZOLO LU YAVE BUBU?