যিহোৱাৰ সাক্ষীসকলে একেৰাহে ঈশ্বৰীয় শিক্ষাৰ ব্যৱস্হা কৰি আহিছে। পূৰ্ণসময়ৰ প্ৰচাৰ কাৰ্য্যত জড়িত থকা সেৱকসকলৰ বাবে বিভিন্ন স্কুলৰ আয়োজন কৰা হয়, যাতে তেওঁলোকে ‘শুভবাৰ্ত্তা-প্ৰচাৰকৰ কাৰ্য্য’ সম্পূৰ্ণ কৰিব পাৰে।—২ তীমথিয় ৪:৫.

অগ্ৰগামী সেৱা স্কুল। পূৰ্ণ সময়ৰ ৰাজ্য প্ৰচাৰ কাৰ্য্যত এবছৰ সম্পূৰ্ণ হ’লে, নিয়মিত অগ্ৰগামীসকলে ছয় দিন ধৰি হোৱা স্কুলত ভাগ লব পাৰে। সাধাৰণতে, এই স্কুলৰ আয়োজন কাষৰ ৰাজ্য গৃহত কৰা হয়। এই স্কুলৰ মূখ্য উদ্দেশ্য হৈছে, অগ্ৰগামীসকলক ঈশ্বৰৰ লগত ভাল সম্পৰ্ক গঢ়ি তুলিবলৈ, প্ৰচাৰ কাৰ্য্যত পাৰ্গত হ’বলৈ আৰু বিশ্বাসীৰূপে সেৱা কৰিবলৈ সহায় কৰা।

ৰাজ্য প্ৰচাৰকসকলৰ স্কুল। য’ত প্ৰচাৰকৰ অতি প্ৰয়োজন, তেনে ঠাইলৈ যাবলৈ ইচ্ছা কৰা অনুভৱী অগ্ৰগামীসকলক প্ৰশিক্ষণ দিবলৈ দুমহীয়া স্কুলৰ আয়োজন কৰা হয়। মহান প্ৰচাৰক যীচু খ্ৰীষ্টক অনুকৰণ কৰাৰ দ্বাৰাই অগ্ৰগামীসকলে যেন কৈছে, “মই আছো, মোক পঠাওক”। (যিচয়া ৬:৮; যোহন ৭:২৯) নিজৰ ঠাই এৰি অন্য ঠাইলৈ যোৱাৰ বাবে, তেওঁলোকক হয়তু সৰল জীৱন-যাপন কৰিবলগীয়া হয়। সেই ঠাইৰ জলবায়ু, পৰিবেশ, পৰিস্থিতি আৰু খোৱা-বোৱা আদি সম্পূৰ্ণ বেলেগো হ’ব পাৰে। কিছুমান ঠাইত অগ্ৰগামীসকলক নতুন ভাষাও শিকাৰ প্ৰয়োজন হয়। প্ৰয়োজনীয় আধ্যাত্মিক গুণবোৰ বিকশিত কৰিবলৈ অবিবাহিত ভাই-ভনী আৰু বিবাহিত দম্পতিসকল, যাৰ বয়স ২৩-ৰ পৰা ৬৫-ৰ ভিতৰত, তেওঁলোকক এই স্কুলে শিক্ষা দিয়ে। এই শিক্ষাই তেওঁলোকক যিহোৱা আৰু তেওঁৰ সংগঠনৰ নিৰ্দেশনাত অধিকৰূপে সেৱা আগবঢ়াবলৈ সহায় কৰে।

গিলিয়াড স্কুল। ইব্ৰী ভাষাত “গিলিয়াড” শব্দৰ অৰ্থ হৈছে, “সাক্ষীসকলৰ দ’ল।” ১৯৪৩ চনত এই স্কুলৰ আৰম্ভণি হৈছিল আৰু তেতিয়াৰ পৰা আজিলৈকে এই স্কুলে ৮,০০০কৈও বেছি বিদ্যাৰ্থীক, “জগতৰ সীমালৈকে” শিক্ষা দিবলৈ প্ৰশিক্ষণ দিছে। (পাঁচনিৰ কৰ্ম্ম ১৩:৪৭) যেতিয়া অগ্ৰগামীসকলে প্ৰথমবাৰৰ বাবে পেৰু দেশত প্ৰৱেশ কৰিছিল, তেতিয়া সেই দেশত কোনো মণ্ডলী নাছিল। কিন্তু এতিয়া সেই ঠাইত ১,০০০কৈও অধিক মণ্ডলী আছে। অগ্ৰগামীসকলে জাপানত প্ৰৱেশ কৰাৰ সময়ত দহজনতকৈও কম সাক্ষী আছিল। কিন্তু সেই ঠাইত বৰ্তমান সময়ত যিহোৱাৰ সাক্ষীসকলৰ সংখ্যা ২,০০,০০০কৈও অধিক হৈছে। পাঁচমাহ ধৰি হোৱা এই গিলিয়াড স্কুলত, বিদ্যাৰ্থীসকলক বাইবেলৰপৰা গভীৰভাৱে অধ্যয়ন কৰিবলৈ শিকোৱা হয়। বিশেষ অগ্ৰগামী, চাৰ্কিট ওভাৰচিয়াৰ আৰু শাখা কাৰ্য্যালয়ত কাম কৰা পূৰ্ণসময়ৰ সেৱকসকলক, এই স্কুলৰ বাবে নিমন্ত্ৰণ দিয়া হয়। এই উপযুক্ত শিক্ষাৰ ফলত তেওঁলোকে বিশ্বাসত দৃঢ় হয় আৰু গোটেই পৃথিৱীব্যাপী হৈ থকা প্ৰচাৰ কাৰ্য্যত সহায় আগবঢ়ায়।

• অগ্ৰগামী সেৱা স্কুলৰ উদ্দেশ্য কি?

• ৰাজ্য প্ৰচাৰকসকলৰ স্কুলত কোনে অংশ গ্ৰহণ কৰিব পাৰে?