Penaro weiniomboro Jehoba poko Wòrupïatonon upuʼtoʼkon me ma Opoto Papa weiniono òmepano ïnamonme. Moʼkaron tïaʼro wòrupïano emaminʼwa òtïrïʼmasambaʼwanokon wòmepatokon mondo ma, tïaʼrone moro wòrupïano emamin arorï upuʼtoʼme iʼyainie.​—2 Timothy 4:5.

Pioneer Service School (Pioneer emamin ta weʼchonon wòmepatopo). Òʼwin siricho paʼme moʼko 70 hour òʼwin nuno wòrupïatoto wòrupïaʼpo mero, sengenombo pore tïwoseʼnanoʼtoʼkon ta òʼwin yopïimiaʼpo kuriʼcha kïnemepapoaton. Moro wòmepatopo kïnepatomano ambore nekatu Jehoba ponaro yeijï poko, juʼpïa nekatu eropa neiara moro wòrupïano emamin arorï upuʼtoʼme iʼya, ororo tïwòrupïarï emamin ta yeʼchoʼme.

School for Kingdom Evangelizers (Yopotomarï poko wòrupïatonon wòmepatopo). Ènï wòmepatopo ta oko nuno moʼkaron juʼpïa tïwòrupïarï uputïʼmanamonïmbo pioneer-kon emepaton. Moan ro takure tïweʼchoʼkonïmbo noatomba owe wòrupïatonon tïsepa yeíʼpioʼwa tïmokïrïkon yako. ‹Eropo wa! Awu mioʼko!› ïngaton ro joke moʼko nono kuʼpo naka wòrupïa Yumï nimiokïʼpombo Jesas Krais weíʼpiombo paʼme. (Isaiah 6:8; John 7:29) Moʼwa tïtoʼmasamba mero amu roten weʼchopoʼwa ambïako koromone tomamïʼmasan paʼme emamïrïkon kapïn ma. Iʼyainie omainie ichotoʼkonïmbo emamïrï ambïako amumepa ma, ambïako eropa moro ponokon ereparï amume pane roten ma ereparï weinio. Weyu me pane roten eropa ambïako moro weʼchopo ma, ijoseʼpa tïsanore pane roten. Touran ta watï euranarïkon yako eropa tïsepa maroro eurangon poko yòmeparï ma. Ènïro wòmepatopo òwiʼniokon maro maritichon wòmepatoʼkon moro, 23 siricho weiniombo 65 siricho taro weʼchonon. Mororo yòmepatoʼkon kïnepatomaton Opoto Papa apokurukon omenanokon pumanoʼporï poko iʼyainie tomerïkon me, tïsepa weʼchonon yòrupïarïkon emamin ta. Kïnemepaton eropa juʼpïa tïwòrupïarïkon uputïrï poko iʼyainie tïwotaʼkupore yeʼchoʼkonʼme Jehoba emamin ta.

Watchtower Bible School of Gilead (Wòmepatopo Gilead). Wòmepatopo Gilead wotapoíʼpiombo weiniomboro 1943 yako, 8,000 koʼpo moro ta òmepaʼmasan tïmokïʼmainie mandon amukon meʼme weʼchoʼkonʼwa wòrupïatononme. Nono misiʼniïmbomero niemban tòkïrïpïa iʼyainie tïwòrupïarïkon ma. (Acts 13:47) Koromone moʼkaron Gilead ta òmepaʼmasan tundaʼmasangonïmboto Peruʼwa, uwaro Jehoba poko Wòrupïatonon woseʼnanoʼtoʼkon moro weʼchopo ta tïweiye ma. Erome te 1,000 koʼpo tïweiyepa ma. Japan ta eropa, moʼkaron Gilead ta òmepaʼmasan wotapoíʼpomboto tïwòrupïarïkon poko, okororo oinia amonoʼke wòrupïatonon tïweiye mandon moro weʼchopo ta. Erome te 200,000 koʼpo moropo mandon. Otoneinia nuno tïwòmeparïkon yakoro Gilead po, juʼpïa Opoto Papa Karetarï poko kïnòmepaton oʼtone icharï upuʼtoʼme. Special pioneer-kon koʼmaton moro wòmepatopoʼwa, amukon roten weʼchopoʼwa wòrupïa miokïʼmasan eropa, ijoseʼpa Jehoba poko Wòrupïatonon emaminjon enenamon weʼchopo po omaminiatonon, kïwoseʼnanoʼtoʼkon etawa wïtopoʼtonon onenamon eropa. Juʼpïa neroten tòmeparïkon epoaton moropo, nono wararo wòrupïano emamin juʼpïane arotoʼme iʼyainie.

• Noʼkïʼwano moro Pioneer Service School?

• Noʼkïʼwanome moro School for Kingdom Evangelizers aembo tïye na?