-Ɛ -ˈghlʋa ˈe see bho ɛ, Zoova aˈ -Bobhlaʋn- an pa ɲɔnsoadhɛ ɛˈ klainˈˈ. Ɲʋn -an bhla Ɲɔnsoa aˈ ˈBheɔglɔ ɔˈ bo nɔnˈˈ ˈˈoo nɔnˈˈ ɔn, ʋʋ ˈbhleɛ klainˈˈ ʋa pa ˈˈdhe ʋʋ ˈye ʋaˈ ‘dhbho ɔˈ ˈˈjhri ˈe gwɛ -kajɔɔnka.’—2 Timotee 4:5.

-Jezadhbho ɔˈ klainˈˈ. -Bho ɲɔn ˈkpa -jezai- -wɛeˈ ɔ nʋn -zʋn dhueˈ ɛˈ, ɲɔn ɔn ˈdhɔɔˈ ˈdhe klainˈˈ. Klainˈˈ -ˈnɩn an nʋɛn ˈghwɩ -mɛoˈˈ-. Ɩn ˈbhɛɛˈ ɩn ˈye -nʋɛn- ˈdhe ˈBheɔglɔ ɔˈ ˈˈGbu ˈdhi. Ɩan poɛ -jezai- sʋn bho ɔɔ yea Zoova iˈˈkwaan, ɔɔ yea ˈˈnman ˈdhe -bobhlaaˈ ˈˈdhe ɔɔ yea ɔɔ dhbho ɲan kpa ˈdhe dhɛgwlɩdeɛ- ˈmʋn.

ˈBheɔglɔ ɔˈ -bobhlaʋn- anˈ Klainˈˈ. Ɲʋn gwlea ˈe -jezadhbho ˈdhi ˈˈdhe ɲʋn ˈbhɛa ɲʋn ˈyea -da ˈˈoo da kpa a, ʋbʋ- -a pa ˈcɩ ˈsɔɔn klainˈˈ -ˈnɩn. -Da ˈˈoo -da ɲɔn ɔn kpʋbʋ ɛ, ʋa sie ʋaˈ ˈˈgbi ˈmɛn, ʋa ˈghlʋ ˈo ʋbʋ ˈˈbhli ˈmɛn ʋa yea ˈo mun. -Ka ɲɔn ɔnˈ nʋan “ˈɩn ka! Dhbho ˈʋn!” ɛn, ɛmɛn- ʋa nʋn. Zezi Klisɩ, -Bobhlai- klaaˈˈ -ɔ jhia da ˈbhlʋa ˈˈkpe -dhe ɛ, ɔɔˈ ˈgɔ ʋa naan ˈe ˈdhi. (Isaïe 6:8; Zan 7:29) -ˈGhlʋ ˈoo- ˈˈbhli -wɛeˈ mun -da ˈsrʋ ɛ, ɛ ˈbhɛɛˈ ɛ ˈye ŋwɔn -kman. Ɲʋn anˈ ˈˈbhlidhɩ -e, ʋaˈ dhiidhɩ -e -ka ˈjhrʋ a nʋan fan sʋn ɛn, ɩn se dhɛ dhueˈ nɩn- -da ˈˈoo da. -Zɔn -ˈnɔɔn -bho -ˈye da i-nmɔn- ɔnˈ, -man -ˈcɩan ghlu nɩan ˈo ˈmɛn. ˈDhoudhi -ɲmai- -e ˈdhoudhi -ɲnʋnkpaeˈ -ʋʋ -nɩn ɲɔn sea ˈˈbhli ˈˈtii- -e ɲʋn -ˈˈtiia ˈˈbhli, -ʋʋ -ˈbhlea zɩn anˈ 23 -ɛ -jhɛɛa 65 ɛn, ʋbʋ- -a pa klainˈˈ -ˈnɩn. Kplɩn ʋʋ ˈyea ˈbhle ˈdhe ʋaˈ dhbho ˈdhi -e dhɩ ʋʋ ˈyea jhibho- -wɛeˈ ʋʋ ˈyea Zoova -e ɔɔˈ -glibha- sʋn -za a, ɩmɩn- ʋa ˈcɩan ˈdhe klainˈˈ.

Gileadɩ Klainˈˈ. ˈDhe Eble ghlu ˈdhi ɛ, “Gileadɩ” ɛˈ gbɔ -zaaˈ mɛn- -nɩn “-zrʋˈ -ʋan- poa ˈˈkunan an.” Klainˈˈ -ˈnɩn kaiɛn- ˈˈŋwɛn ˈdhe 1943 zʋn ˈdhi. -Ɛ -ˈghlʋa ˈo -ɛ -jhɛɛa ˈzɩan an, ɲʋn anˈ 8.000 -ʋʋ -ˈjhe klainˈˈ -ˈnɩn anˈ ˈˈdhru ˈˈdhe -ʋʋ mun ˈbhlʋɩ ˈsrɩ ˈdhii. Ʋa bhla bo ʋa yea ˈe ‘ˈbhlʋa aˈ ˈˈtian ɲnin.’ (Nʋʋdhɩ- 13:47) Ɲʋn -ˈjhea klainˈˈ -ˈnɩn anˈ ˈˈdhru ɛ, ʋa muan ˈe Pelu -bhlʋaˈ tɛnˈˈ ɛn, -ˈmɛn -a se ɲɔnsoagbu ˈbhle ˈdhemɔn ke ˈdhe-. -Kaan bhla a, -aaˈ ɲɔnsoagbi nɩan ˈe -nɩɛn- 1.000 ˈbho ˈbhlʋa- -ˈnɔn ˈdhi. Ɲʋn pa klainˈˈ -ˈnɩn ɛn, nɔnˈˈ ʋa muan ˈe Zapɔn -bhlʋaˈ a, -bobhlaʋn- nɩan ˈe -nɩɛn- -bue- gbai. -Kaan bhla a, ʋʋ ziɛ 200.000 in. Gileadɩ klainˈˈ an nʋɛn ˈcɩ -mmˈˈ. Ɲɔn ɔn ˈcɩan Ɲɔnsoa aˈ Ghlu -kajɔɔnka ˈdhemɔn. -Jezaʋn- -e ɲʋn nɩan ˈbhlʋɩ ˈsrɩ ˈˈkpe -muʋn- -e ɲʋn nɩan ˈe Betɛɛ -e kpɔ ˈˈzaan anˈ ˈˈjhriɛbhoduʋn- -e, ʋbʋ- ɲɔn ɔn ˈdha -ʋa- pa klain -ˈnɩn ˈˈdhe ɲɔn ɔn tɔɔn dhɩ -duuˈˈ -wɛeˈ ʋʋ ˈye -bobhladhbho kwagbɔide da ˈbhlʋa aˈ klɛɛ ˈˈkpe.

• Dhɛɛdɩ- ɲʋn an pa -Jezadhbho ɔˈ Klainˈˈ -ɛn?

• Ɲʋnwɛ- -ɛ pa ˈBheɔglɔ ɔˈ -bobhlaʋn- anˈ Klainˈˈ -ɛn?