Yeehoowa sayn Tsayer hon imer wëyert këp fer tas was ti Piipel inlërnt. Weeche tas këpts spetsiaale khurse fer tii woo wii pioneere tiine. Tas tuut tëne hëlfe noch pëser se preetiche.— 2 Timóteo 4:5.

Pioneer Tiinst Xuul. Am ën fom ëyerste yoer wëre tii woo pioneere sin, inkelaat fer tiise xuul se mache. Es is een khurs woo seks taache tauert un khan in een Raych Saal kemacht këpe. Te tswëk fon tiise xuul is ti pioneere se hëlfe fer sayn tiinst ferpësre, troy in sayn aarwayt plaype un sich ticht pay Yeehoowa hale.

Xuul fer Preeticher fom Raych. Es is een xuul woo tswaay moonate tauert, fer priiter un xwëstere. Tii khëne ferhayrat sin orer nët, mise tswixich 23 un 65 yoere alt sin, xon een lang tsayt wii pioneere tiine un wilich sin fer tat hin se wanre woo mee preeticher praucht. Wii tii Yeesus Kristus, te pëste preeticher woo xon uf ti Ëyert keleept hot, noo mache, is wii wën yeete eene fon tëne saan teet: “Hiir sin ich! Xik mich”. (Isaías 6:8; João 7:29) Tii woo wayt wanre tuun, fiilaycht mise sich aan keweene mit een keweenlich leepe, mit een nay khultur, klim, ësmitel, orer woerxaynlich soo kaar een naye xprooch lërne. In tiise xuul tuun se spirituaal kwaliteete lërne woo nutslich sin fer tiise plëtse woo se hin kexikt wëre. Tas tuut aach tëne sayn talënte iipe un tan wëre se pëser penutst soo wii Yeehoowa un sayn orkanisatsioon wole.

Wachthurm Piipel Xuul fon Kileat. In hepreeyx, “Kileat” petayt “Haufe fon Tsaye”. Fom yoer 1943 aan woo Kileat aan kefang hot, mee wii 8 tausent woo ti xuul kemacht hon, sin kexikt këpt wii misioneere fer tsaye këpe “pis aan tas ën fon te ëyert”, un es hot kuute resultaate këpt. (Atos 13:47) Wan ti misioneere in Peruu khom sin, waar khee kemaynt in tas lant. Hayt sin mee wii tausent kemaynte. Wan te preetich in Yaapan aan kefang hot, waare wënicher wii tseen fon Yeehoowa sayn Tsayer. Hayt sin mee wii 200 tausent fon tëne. Torich finef moonate in te Kileat khurs, tuun se een tiife xtuutium fon Kot sayn Wort mache. Spetsiaal pioneere, misioneere, mitkliiter fom Petël orer ti sirkuyt superintentente khëne inkelaat këpe fer tiise xuul se mache, soo wëre se tiif inkeiip fer wayter kraft un stapiliteet tsu te preetich in te kans wëlt këpe.

• Was fer tswëk hot ti Pioneer Tiinst Xuul?

• Wëyer khan ti Xuul fer Preeticher fom Raych mache?