DISÁ 14
Ji Xikola Jebhi ji Kuatekesa o Aboki a Thembu Ioso?
Estados Unidos
Xikola ia Ngiliiade, Patterson, New York
Panamá
Tundé ukulu, o kilunga kia Jihova kiene mu longa akunji avulu. A bhanga ji xikola phala o jiphange a dibhakula mu sidivisu ia katula o njimbu ia Utuminu, n’a tene ku kumbidila kiambote o ukinji uâ.
Xikola ia Aboki a Thembu Ioso. Kioso o Mubhoki ua Thembu Ioso, kia tenesa muvu umoxi, a mu exana phala kuia mu Xikola mu semana imoxi, a i bhanga mu Kididi Kia Ubhezelu. O Xikola íii phala ku mu kuatekesa kuzukama kua Jihova, kukala ni uhete mu ukunji, ni kukolokota mu sidivi-su iê.
Xikola ia Akunji a Utuminu. O xikola íii, i bhanga mbeji jiiadi, a i bhange phala kukuatekesa o aboki a thenbu ioso ala ni uhete, a xikina kuxisa o diembu diâ, phala kutula o njimbu iambote mu ididi mua bhindamena aboki. Ene a kaiela o phangu ia Mukunji ua dikota, Jezú Kristu, ene mu zuela ‘Eme ami-ú, ngi tume.’ (Izaia 6:8; Nzua 7:29) Kuia mu diembu diéngi, nange kubhinga kulungulula o ukexilu ua muenhu. O ijila ia ixi, nange o kudia ki ku difu ni ua diembu diâ. Nange kubhinga ué kudilonga dimi diengi, n’a tene kuzuela ni athu. O xikola íii, iene mu kuatekesa o makaza ni akudi, ala mu kitala kia 23 ndu 65 a mivu, kukala ni idifua iambote ni kukala ni uhete ua kulonga, phala kubhanga sidivisu mu kilunga kia Jihova.
Xikola ia Bibidia ia Ngiliiade. Mu Hebalaiku o kizuelu ‘‘Ngiliiade’’ kilombolola kubhana ‘‘Umbangi ua Dikota.’’ Tunde ku muvu ua 1943, 8.000 a akunji ndenge a dilongo mu xikola ia Ngiliiade, a a tumikisa phala kuboka ‘‘kate ku maxokololo a ixi,’’ ia di tundu kiambote. (Ikalakalu 13:47) Mu kifika, kioso o akunji a jixi kia bhixila ku ixi ia Peru ki kua kexile luua kilunga, lelu kuala kia 1.000 a ilunga ndenge. Kioso o akunji a jixi jengi kia bhixila mu ixi ia Japão, kua kexile ngó dikuinhi dia Jimbangi ja Johova, lelu kuala 200.000 ndenge. O xikola ia Ngiliiade i bhanga mbeji jitanu, a dilonga kiavulu o Mak’a Nzambi. O aboki a katunda, akunji a jixi jengi, muiji ua Betele, ni tufunga tua ilunga, a tena ku a sola phala kuia mu xikola íii, phala kukuatekesa o kikalakalu kia kuboka ku mundu uoso.
-
Mukonda diahi, a bhange o Xikola ia Abokia Thembu Ioso?
-
A nanhi a tena kubhanga o Xikola ia Akunji a Utuminu?