Tuka ntama, Mbangi za Yehova ze na tsifu tsia hana formasio. Bo basamunaka Kimfumu ntango zazansoni tukolo babakubikila ngâtsi ‘balungisa salu tsiawu buna bufwanakane.’​—2 Timote 4:5.

Lukolo lwa mpasuri-nzila. Mpasuri-nzila ya ntangu zazansoni mbo kalungisaka mvula moshi mu salu tsia ntangu zazansoni, lukolo lwa bilumbu bisambanu kakotaka. Ntangu zakaka lukolo lwango ku Nzo ya Kimfumu yilombolo ba mala na nzo’andi luyokelaka. Lukolo lwango mpasuri-nzila lubakisaka mu tomo pusana kwe Yehova, mu vutu tomo zaba sala salu tsiandi mu miamiansoni, mpe mu tatamana mu kangama mu salu tsio.

Lukolo lwa nsamuni za Kimfumu. Lukolo lwango lwa ngonda zole formasio luhanaka kwe mpasuri-nzila zizebi salu mpe balenda tambula mu katuka ko kubayukunu mu kwesarila kuma ni kuma ku benanawu nsatu. Ntsiana bwata Yezu, Nsamuni yi yokele nsamuni zazansoni zekasarila ha m’toto, “Huni meno! Ku ntambika!” bawu mpe ni bo bataka. (Izaya 6:8; Za 7:29) Wamana katuka ha mbuka yo yiwayukunu, lenda lombo vutu ba na luzíngu lo luwayuku. Mbelo na ndilu ya bantu ba kuna yilenda swasakana na yo yi wayuku; kulenda ba mpe mini peleko tsiozi tsia ngolo tsi walombo yukunu. Ntangu zakaka, mbo ba na nsatu walongoka zu dia mona. Bampangi ba babakala mpe babakento bo be bampumpa, mpe bampangi bakwelá be na mvula 23 tii 65 balenda kota lukolo lwango. Lukolo lwango bakisa lu babakisaka mu ba na bifu bia tsimpeve biba nawu nsatu mu salu tsi babahana, mpe mu kurisa bifu bio bisa ti Yehova na nkubukulu’andi batomo basarila.

Gileade, lukolo lwa Bibila lwa Watchtower. Mu zu dia Hebre, “Gileade” yizololo ta ti “tsidzu tsia kimbangi.” Tuka tsia zibukila lukolo lwa Gileade mu mvula 1943, bamisionere 8 000 yike badukila ko bekatambika mu hâna kimbangi “tii ku nsuka za m’toto” mpe salu tsiawu tsia tsibote tsia titomo monekaka. (Bisalu 13:47) Mu ntangu bamisionere ba ntete bo batula ku Pérou, kakwaba kani tsimvuka tsimoshi ko ku ntsi yo. Bwawubu bimvuka 1 000 yike biayika kuna. Mu ntangu bamisionere babatika mu samuna ku Japon, Mbangi kumi (10) kazalunga ko zaba kuna. Bwawubu, bayika 200 000 yike. Mu ngonda tanu za malongi ma Gileade, Bibila diankaka balongokaka. Mpasuri-nzila za zinene na bamisionere bo balombolo ba ku Betele, bampangi bo basalaka mu biro za filiale, peleko bo be mu salu tsia kuzungirila balenda kwenda ku lukolo lwango mu baka formasio yibasarisa mu zakasa mpe mu tsindisa tsisalu tsitasalama mu nza yam’kaka.

• Lukolo lwa mpasuri-nzila ntsia salu lusalaka e?

• Banani balenda kwenda ku Lukolo lwa nsamuni za Kimfumu e?