Wala wɔ̃ zɔ̃ɔ̃ mia lɛɛ lɛ wɔ̃ lɛ o Zihova la Kela vɔ o dɔa mɔɔ ka. Pɛ mɛdãpia kpanazɛ do lɛ ɓe mia lɛ waa o die nɔ Wala wɔ̃ kɛɛ lɛɛ wɛ̃ĩ. Lɛɛ o pɛkɛ waa wɔ̃ laũ yie lɛ a gbɛ̃ɛ̃ lɛ Tomiala yɛɓoa mɔɔ ‘seĩ kɛ.’​—2 Temɔte 4:5.

Paaniɛ Yɛɓo Kɛɛ Mɔɔ Pɛ Mɛdãpia. Ye paaniɛ aa kɛɛ doo kɛ die nɔ Wala wɔ̃ kɛɛɛ yia, lɛɛ lo pɛ mɛdãpia ye o kɛ luo salaado pie Wala la Tomiala Ka ye lɛ a ka kɔɛɛ lɛ mɔ. Pɛ o mɔɔ pɛ mɛdãpia e kea kɛɛ ye lɛ e gbũ paaniɛ vɔ mɔ o nu Zihova ka kɔɛ. O mɛ e kpala Wala Lewe geee kɛzi seĩ yi, ɛ̃ɛ̃ kɛ o wa Wala yɛɓoa kɛ zo pulu la ka.

Tomiala Wɔ̃ Laũ Geee mɔɔ Pɛ Mɛdãpia. Pɛ mɛdãã e kea lɛ mɛnɛ peelɛ mɔ. Lɛɛ paaniɛɛ vɔ mɛ kpalazɛ lɛ o wee laa mɔ kɛ o lo lɛ nɔɔfe lɛ o mia naa o Wala Lewe gee yia mɔɔ pɛkɛ. Oo a gee die kpokpo ɓo, “Ma gɛ̃ɛ̃ m ke! I m vɔ!” lɛ zi nɔ Zizɛ Kɛlɛi lɛ e kɛ mɔ Wɔ̃ laũ yie geemi kpanazɛ ka kpoula zeea a kɛaa lɛ ɓe. (Aazaya 6:8, NW; Zɔ̃ɔ̃ 7:29) Ye miaa waa lo o pa ka gbekenia laa kɛ waa kɛɓe kɛ lɛ zi nɔ mia o yia o kɛɓe kɛaa lɛ ɓɛ. Mia yiikɔ, sɛlɛɛ kɛkɔ ɛ̃ɛ̃ leɓele nia lɛɛ bɛi kɛɛ gbɛɛ e kã a ye o ɓele o paa mɔ. Lɛɛ lo leĩ kɛɛ sɛ ó we dɛɛ mɛdã. Mia ò lo pɛ mɛdãpia e kea mɔɔ o ko leege vɔ lɛ o kie sii wá wa mia ye o kie sii lɛɛ ka. O kɛɛ lɛ 23 (vũ peelɛ wɛlɛ yaaka) e loa 65 (vũ salaado wɛlɛ sɔɔli) mɔ. Pɛ mɛdãpiaa lɛɛ gbũ o mɔ kɛ o zi o bɛi Wala wɔ̃ kɛɛa lɛ̀ o o vɔ yia mɔɔ dɔ sɛ. Laa kɛ waa zi o bɛi yɛɓo kɛa Zihova wa la nukiebaa lɛɛ, kɛ yɛlɛ dɔ kpokpo ɓo.

Baabo Mɛdãpia lɛ e Geliia. Hiibulu We yia, “Geliia” yiɓoa lɛ e “Kela Gbaala Gbuozɛ.” O Geliia gã gbɛ̃ mɔ tãã kɛɛ 1943 (waa doo wũ sɛlɛisɛ la vũ yiisɛ wɛlɛ yaaka) ka. Mia lɛ o diee lɛ 8,000 (waa salaka) yia waa nyɛ yi. O mia o kilia vɔ sɛlɛ gbɛɛgbɛɛ yi o kela we ɓo “sɛlɛ seĩ” yi mia lɛɛ. A kɛɛ yia waa gbũ mia bunuzɛ mɔ o Zihova dɔ. (Apɔsɔlɔ 13:47) Lɛ̀ mia beĩzɛ lɛ o nyɛ mɔ yia o ɓɔ Peru, nukiela gbɛɛ lɛɛ́ gbaa kɛ yi. Kɛɛ dɛɛ kaa, nukiela ni lɛ o yia diee lɛ gbaa 1,000 (waa doo) yi. Lɛ̀ o ko wɔ̃ laũ yie geemia lɛ o o vɔ sɛlɛ gbɛɛgbɛɛ yia, o lo Japan, kela vɔ lɛ oó gbaa ɓɔ 10 (vũ doo) mɔɔ o kɛ yi. Dɛɛ kaa, o diee lɛ gbaa 200,000 (waa wũ peelɛ) yi. Pɛ o mɛdã mɛnɛ sɔɔli mɔ Geliia, do lɛ e ó Wala Lewe mɛdã fɛfɛ le. Mia o o suo kɛ ó nu pɛ mɛdãpia e kea mɔɔ do lɛ o paaniɛ vɔ wa mia lɛ o o vɔ Wala yɛɓo kɛ sɛlɛ gbɛɛ wɛĩa kaa. O do bɛ̃ɛ o mia lɛ o Bɛtɛ ɛ̃ɛ̃ sɛki lagɛ̃ yɛɓo kɛpiaa kaa. O do bɛ̃ɛ̃ lɛ́ o mia ye o Bɛtɛ nia mɔɔ wa nukiela kpo lagɛ̃-mia ni kaa. Oo mia o kilia suo kɛ o pɛ mɛdã kpokpo ɓo kɛ o gbũ Wala yɛɓoa kɛɛɛ mɔ e tãã kũ ɛ̃ɛ̃ a mɛ e kɛ gaga kpoula lɛ seĩ mɔ.

• Mɛ wa mɔɔ Wɔ̃ laũ Yie Gee Teele Mɔɔ Pɛ Mɛdãpia kɛ ɓo?

• Deĩ mia lɛ́ Tomiala Wɔ̃ laũ yie Gee Mɔɔ Pɛ Mɛdãpiaa kɛɛ lɛ o wɛ̃ĩ?