Jiihóvah Yá Dahalneʼé éí tʼáá ałkʼidą́ą́ʼ diyin kʼehgo naʼnitinígíí bee béédahoʼdílzin. God biNahatʼaʼ baa haneʼ álą́ąjįʼ ndeisʼą́ągo yideiyílníshígíí óltaʼ łáʼ bá siʼą́. Áko éí óltaʼígíí bee hazhóʼó ‘haneʼ yáʼátʼéehii yaa ndahalneʼígi’ bee bíká anáʼáwoʼ.​—2 Timothy 4:5.

Pioneer Service School. Álą́ąjįʼ nahalneʼii tʼáá łáʼí nááhaijįʼ binaanish áyiilaago hastą́ą́ yiską́ąjįʼ łáʼ áyídígíí Kingdom Hallgi íízhdóółta. Díí íiyisíí biniyé áhátʼínígíí éí Jiihóvah áhą́dígo bikʼis jílı̨́į doo, dóó tʼáá ałtsogóó nahaneʼgi bídadéétʼiʼígíí tʼáá yédígo jiichįįh doo. Dóó éí tʼáá náásgóó bizhdiilkaal doo.

School for Kingdom Evangelizers. Alą́ąjįʼ ndahalneʼgo tʼáá íídą́ą́ʼ haa shı̨́ı̨́ nízahjįʼ binaanish ádayiilaaígíí éí naaki nídeezidjįʼ óltaʼ bá siʼą́. Éí shighandóó dah dideesháałgo anáʼáwoʼ bídį ídlı̨́įgi naashʼaʼ doo danízinígíí díí óltaʼ bá átʼé. Jesus Christ éí aláahdi Nahalneʼii nilı̨́įgo nihookáaʼgi naasʼaʼ, éí yedaalʼı̨́įgo kódaaní, “Kǫ́ǫ́ sézı̨́; shidíłʼá”. (Isaiah 6:8; John 7:29) Haghandóó nízaadgóó dashdináago éí hweʼiinaʼ siláagi tʼóó bikiinígo ázhdoolíiłgo bízhdínóoldı̨́ı̨́ł. Jinínáagi ádaʼoolʼįįł, níłchʼi łah ánááʼníłígíí dóó chʼiyáanda łah ádaatʼée doo. Diné ákweʼé saad yee yádaałtiʼígíída bíhwiizhdoołʼááł. Bichʼooní ádaadinígíí dóó daʼayéhígíí, 23 dóó 65jįʼ béédááhaiígíí díí óltaʼ bichʼįʼ aa átʼé. Éí ákweʼé óltaʼígíí diyin kʼehgo oodáałgi hadabidileʼ, áko hondaanish dadooleełígi bee bíká adadoolwoł. Áádóó ałdóʼ naanish dajiichįįh dooígi, áko Jiihóvah dóó bá daʼínííshdę́ę́ʼ yéigo chodabiʼdilʼı̨́į dooleeł.

Watchtower Bible School of Gilead. Hííbrew kʼehjí “Gíliyad” jiníigo éí “Dahalneʼii Ałkʼi Háánootʼı̨́ı̨́ł.” Gíliyad éí 1943 tʼóó háátʼiʼdóó wóshdę́ę́ʼ 8,000 dóó baʼaan ndaʼiistaʼ. Áádóó éí “nahasdzáán nidaneesʼą́ąjįʼ,” nidahodoolnih biniyé adabiʼdiisʼaʼ, áko ląʼígóó yáʼátʼéehgo ádahoodzaa. (Acts 13:47) Gíliyad biʼóltaʼdę́ę́ʼ nidaʼiistaʼígíí Perudi tʼóó yíkaiígo áłah nídaadleehígíí doo łaʼ hólǫ́ǫ da ńtʼééʼ. Kʼad éí 1,000 dóó baʼaan ánéelą́ąʼgo dahólǫ́. Japangóó adabiʼdiisʼaʼígíí éí tʼóó hadashnishígo Jiihóvah Yá Dahalneʼé éí 10 tʼáá bichʼįʼígo hólǫ́ǫ́ ńtʼééʼ. Kʼad éí 200,000 dóó baʼaan ánéelą́ąʼgo dahólǫ́. Díí ashdlaʼ nídeezidjįʼ Gíliyad biʼóltaʼ éí Diyin God Bizaad tsʼídá yéigo baa óltaʼígíí łaʼ bił ahóóltąʼ. Special pioneers, adabiʼdiisʼaʼígíí, bitsʼádaʼoozʼaʼgóó ndaalnishígíí, akʼidadéezʼı̨́įʼgo atah nídadikahígíí éí díí óltaʼ bichʼįʼ aa átʼé. Ákweʼé óltaʼ éí yéigo tsʼídá yáʼátʼéehgo íhooʼaah, áko daʼníłtsʼą́ą́góó nahaneʼ biʼoonishígíí bidziil doo biniyé.

• Aląąjįʼ Ndahalneʼii biʼóltaʼ shá haʼátʼíí biniyé siʼą́?

• School for Kingdom Evangelizershąʼ háí bá siʼą́?