Jeuwa kaajiꞌyusaweꞌsxa wala jxthuhthesayã Dxus eç piyanis. Jeuwa kaajiꞌyusa jiꞌphyã piyani yat, kxtee Dxus yuwe nes ptaꞌsxwaꞌjsatxis kaapiyaꞌjya. Txaꞌwẽy Dxus yuwes ew kaapiyakan (2 Timoteo 4:5).

Piyani yat Dxus yuwe nes ptaꞌsxsa. Txãa nes selpiisa Dxus yuwe ptaꞌsxsaꞌs, 6 een ne thẽeyũu piyani yatsu. Utxaasuneta Dxus jxkaahwaꞌjaꞌs weꞌwni yatsu vxitu. Txãa nes selpiisa teeçx año mjĩiwaꞌj jiꞌphyã kxtee ũsweçxa. Txãa piyani yatsu uꞌjçxa wejxkwe Jeuwa tasxte utxaaya ãjaꞌyã, puꞌçxhina jxuka Dxus yuwes ptaꞌsxya, saꞌ txaawẽꞌsx nes yũuyã selpiin.

Dxus jxkaahwaꞌjaꞌs ptaꞌsxya piyani yatsu. Naa piyani yatsu jeꞌz aꞌteneta thẽeyũu piyan, txãayũu ptamsaweꞌsxjĩina vxite knasaweꞌsxjĩi, saꞌ piçthakx weꞌsxjĩi. Txaawẽꞌsxa nes selpiisa 23 vxiteꞌ 65 año jiꞌphsa mjĩisayã uꞌjya ãjayã, txãwçxa kĩhte paꞌyatewa uꞌjeyã. Jesus naꞌwẽy wejxkwe Dxus yuwes nes ptaꞌsxsana naa kiwete jxuka wala jxthuhthesa ũsyã. Txãajĩi: “Ayte ũsthu !Adxaꞌs kaah!” (Isaías 6:8; Juan 7:29). Vxite ahte selpiiyã uꞌjçxa leꞌçxkwe jiꞌphçxawa wẽçxaaneta, stxãahaꞌ jiꞌphunega açxa maakxyũu, eçe maakxyũu, kĩhneta ũꞌwe txaꞌwẽy ũꞌn, nasaweꞌsxtxis wẽdxçxaneta txãw yũu. Saꞌ vxite yuwe piyan. Naa piyani yatsu kaapiyaꞌjaneta kĩhwa ew ũus yahkxnisaꞌs jiꞌphuya, kĩhte uꞌjtewa txãayũu wala puꞌçxhina. Kxteeyũu kaapiyaꞌjayã Jeuwaꞌs vxite phewjnisaꞌs wejxkwe puꞌçxhya.

Dxus eçyakh Piyani yat Galaad Watchtower. Naa Galaad, Hebreo yuweteyu “kaajiꞌyusana txãa kwet kmuçuꞌjni”. Naa piyani yat 1943 añote ne takh. Txãa eensuy kaseꞌjneta 8000 thakwe Dxus yuwes vxite kiwesu nes ptaꞌsxsya (Hechos 13:47). Peru kiwasu, txaawẽꞌsx khwẽꞌyneta paꞌj, kĩhwa pkhakheni Dxus yatsu selpiisa meeneyũu, ãçxh kaayũu 1274 thakwe ũsyã. Txaꞌwẽy Japon kiwesu, txaawẽꞌsx khwẽꞌy paꞌjte 10 nasaçxaaneta ũsuꞌ, nawa naa eensu 200.000 thakweyã ũsyã. Txãa piyani yatsu 5 aꞌte ne thẽeyũu, kxtee yũu wala ew piyaneta Dxus yuwes. Kxtee piyasaꞌs wala kçxhãçxhawaꞌjaꞌs kaapiyaꞌjaneta Dxus yuwes ptaꞌsxya. Txaꞌwẽy piyani yatsu piꞌkineta txãa nes selpiisa txaawẽꞌsxçxa fxiysayã, saꞌ Dxus yuwes vxite kiwesu nes ptaꞌsxsa uꞌjsaweꞌsxaꞌs, vxiteꞌ thẽꞌjsaweꞌsx tadxiisa, saꞌ maii mjĩisa vxitni yatsu txaꞌwẽy.

• ¿Kĩh yũuwa selpiikx piyani yat Dxus yuwe nes ptaꞌsxsa?

• Dxus jxkaahwaꞌjaꞌs ptaꞌsxya piyani yatsu ¿kimweꞌsx uꞌjya ãjaꞌtxkx?