Testigogunaga Bibliamanda yachachinara pundai churashca raigu sumaj escuela charinun. Chi escuelai Bibliamanda yachachijcunara ali puruntuchingahuami (2 Timoteo 4:5).

Precursor ali puruntuchingahua Escuela. Reinomanda Yachana Huasi mayambilla tian, 6 punzha charij, escuela. Chima precursorguna rina ushanun. Huata intiru precursor ashami rina ushan. Astaumbas chi escuelai Jehová Diosta mas llaquichu, Bibliara ali yachachichu, precursor cuinta catichumbas puruntuchinun.

Diospa Mandanamanda Yachachisha Purijcunahuaj Escuela. Ishqui quilla charij escuelama, 23-65 huatayujcunaga cari, huarmi, mana casarashcauna, casarashcaunas chi escuelama rina ushan. Ashca huatauna yachachisha purij ashas, mas yanapai ministishca partima rina munanami an. Runaunamanda mas yali Jesús ali yachachij an. Jesucristora catijcunaga: “¡Ñuca caibimi ani! Cachahuailla” nisha precursorguna ninun (Isaías 6:8; Juan 7:29). Chiraigu precursorgunaga cachashca llactai runaunasna causangaj, micungaj, esforzarinami. Chiri, yapa rupais pasanami anun. Chi llactai rimaushca shimiras yachanami an. Chi llactai cushilla sirvingahua, Bibliamanda ali yachachisha catingahuas, Jehová organizacionda yanapasha, Diosta mas sirvichumbas chi escuelai yachanunga.

Watchtower Galaad Bibliamanda Escuela. Hebreo shimi Galaad nisha nin: “Ichilla muntun rumiuna, ricuchinmi iyachij shina”. 1943 huatamanda callarishca Galaad escuelai yachachishcauna 8.000 yali misioneroguna intiru mundui, caran llactai Bibliamanda yachachingahua cachascaunami. (Hechos 13:47) Shina cachashcamanda ima tucushcara ricushun. Perú llactama pactashcai mana shu tandarijcuna muntunhuallas tiacachu, shinajpis cunanga 1.000 yali tandarij muntunguna tian. Shinallara Japón llactai mana 10 Testigogunallas tiacachu cunaga 200.000 yali tian. Galaad escuelai 5 quillai, intiru Bibliara estudianun. Jehovahua organizacionda yanapasha shinzhiyachingahuas, Bibliamanda yachachisha catingahuas yachanunga. Cai Galaad escuelama 130 huras yachachisha purijcunaras, misionerogunaras, muntun tandarijcunara cuirasha purijcunaras, Betel oficinaibi sirvijcunaras cumbiranchimi.

• Precursor ali puruntuchingahua Escuelai ¿imara yachanun?

• Diospa Mandanamanda Yachachisha Purij Escuelama ¿pigunara chima rina ushanun?