Tēet ne faki‘ogan Uetnes ‘on Jihova ‘e ta av roat, ta‘ag ‘oris rak‘ȧk ne muạ‘ạkiag fak ‘Ạitu. Rak ‘i ös se iris ne nā a‘ti‘ ‘oris ava la marag‘ạkia Pure‘ag ta, la pō la iris la ‘ vȧh‘ạkia ‘oris garue agag ta.’​—2 Timoti 4:5.

Rak ne Painia. ‘E vạhiạg ne ‘on fạu mumuạ ne painia, le‘et ne painia hạisokoag täla sur la rak terȧn on. Rak te‘ la a‘sok ‘e ta Rī ne Pure‘agat. ‘On ‘amnȧk ta la hạiasoagan iạ ne painia la ‘ut a‘el se Jihova, ma la potsusun se a‘sokoag ne garue marag ta. Ka la huạg aier ma kikia se ‘on garue agag ta.

Rakot se Iris ne Marag‘ạkia Pure‘ag ta. Rak huạl ruạ te‘is ös la rak‘ȧk tean iris painia ne potsusun ne la pō la roua ‘oris hanua la garue agag ‘e utut ne pa ‘es ti‘ pạu hạiasoaga. Iris ‘ea, “ Gou te‘is! Ea‘kia gou.” iris rakoa iạ ne pumuạ pạu ‘e marag‘ȧk ne rog heg ta ‘e rȧn te‘, Jisu Karisto.​— (Aisea 6:8; Jone 7:29.) La ‘ut se ut sousout kop la vahiạ la mamnȧk se mȧür vavhina. Ag ne hanua, lȧg ta, ma tēla‘ā kop ma la tū ‘e tē ne iạ mamnȧk sin. ‘E av ‘e ‘on rereag, kop la rak ta fäeag fo‘out. Rak te‘is hạiasoagan iris hensạsiag se ‘inoso ma iris ne ‘inoso ne fạu 23 se 65, ag pumuạ fak‘at ne iris kop la ‘es ‘e utut ne iạ väe sin, ma tape‘ma la fạiạv, la pō la ‘es‘ao a‘ti‘ se Jihova ma ‘on kạutạunạ‘iag ta.

Rak ne Kileata. ‘E fäeag Hiperiu, “Kileata” ‘on fuạg “Kạuạg Uetnese.” Kamatam ma ‘e 1943, sir ‘e 8,000 iris ne rak vȧh ma fekạu‘ȧk la uetnes “se tohiag pạu ne rȧn te‘” garue ta la‘ lelei pạu. (Garue 13:47) Avat ne iris ne fekạu‘ạki hele‘uof ‘e Peru, kat ‘es kạurotuget ra ‘e täe​—‘e terạni te ‘i sir ‘e kạurotuag 1,000. ‘E avat ne iris ne fekạu‘ạki kamat garue ‘e Jäpäne, Uetnese ‘e täe kat hele‘ ra ‘e saghul ta​—‘e terạni te ‘i ,sir ‘e Uetnes 200,000. ‘E rak huạl liạm ne Kileata iris la sạkior a‘lelea Puk Ha‘a. Iris ne painia a‘pumuạ‘ạki ne iris ne fekạu‘ạki ne garue ‘e maj ne ofese, ma iris ne ạsia kạurotuga ma kạugarueaga, ‘ih se rak te‘ la hạiasoagan la a‘ne‘ne‘ia ma a‘fūmou‘ạkia garue ofrạu ta.

• Ka tes ta ‘amnȧk ne Rak ne Painia?

• Ka Rakot se Iris ne Marag‘ạkia Pure‘ag ta ös se seia?